රික්ටර් මාපක 5.4ක ප්රබල භූකම්පනයෙන් ඊජිප්තුව කැළඹෙයි.. ජර්මානු භූ විද්යා මධ්යස්ථානයෙන් කළ අනතුරු ඇඟවීම මෙන්න.
ඊජිප්තු වෙරළ තීරයට ඔබ්බෙන් වූ මුහුදු ප්රදේශයේ අද (03) අලුයම රික්ටර් මාපක 5.4 ක ප්රබලත්වයෙන් යුත් භූකම්පනයක් සිදුව ඇති බව ජර්මානු භූ විද්යා පර්යේෂණ මධ්යස්ථානය (GFZ) වාර්තා කරනවා.
මෙම භූකම්පනය පෘථිවි පෘෂ්ඨයේ සිට කිලෝමීටර 10 ක් (හැතැප්ම 6 ක්) පමණ ගැඹුරින් සිදුව ඇති බව එම මධ්යස්ථානය වැඩිදුරටත් සඳහන් කළා.
කම්පනයේ කේන්ද්රය සූවස් (Suez) නගරයේ සිට කිලෝමීටර 38 ක් දුරින් පිහිටි ප්රදේශය බව ඊජිප්තු බලධාරීන් පසුව තහවුරු කර තිබෙනවා.
භූකම්පනය දැනුණු ප්රාන්ත සඳහා ඊජිප්තු රතු කුරුස සමාජය (Egyptian Red Crescent) විසින් සිය හදිසි ප්රතිචාර සැලසුම් (Emergency response plan) සක්රිය කර ඇති බවයි විදෙස් මාධ්ය වාර්තා කළා.
කෙසේ වෙතත්, අනතුරෙන් සිදුවූ ජීවිත හානි හෝ දේපළ හානි පිළිබඳව මෙතෙක් කිසිදු වාර්තාවක් ලැබී නොමැති බව එම සංවිධානය පවසනවා.