සක්‍රීය වූ නිරිතදිග මෝසමෙන් ප්‍රදේශ රැසකට තද වැසි.. අද දවසේ කාලගුණ තත්ත්වය මෙන්න.|Hiru TV Blog

සක්‍රීය වූ නිරිතදිග මෝසමෙන් ප්‍රදේශ රැසකට තද වැසි.. අද දවසේ කාලගුණ තත්ත්වය මෙන්න.

Saturday, 01 August 2026 - 7:57 | Views - 37

දිවයින හරහා පවතින සක්‍රීය නිරිතදිග මෝසම් කාලගුණ තත්ත්වය හේතුවෙන් නිරිතදිග ප්‍රදේශවල දැනට පවතින වැසි සහ සුළං තත්ත්වය අද (01) දිනයේදීත් තවදුරටත් පවතින බව කාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කළා.

ඒ අනුව බස්නාහිර, සබරගමුව සහ වයඹ පළාත්වලට මෙන්ම මහනුවර, නුවරඑළිය, ගාල්ල සහ මාතර දිස්ත්‍රික්කවලට විටින් විට වැසි ඇති විය හැකියි.

එමෙන්ම ඇතැම් ස්ථානවලට මිලිමීටර් 100ට වැඩි තද වැසි ඇති විය හැකි බව එම නිවේදනයේ වැඩිදුරටත් සඳහන් වනවා.

මාතලේ, අනුරාධපුර සහ හම්බන්තොට දිස්ත්‍රික්කවල වැසි ස්වල්පයක් ඇති විය හැකි අතර දිවයිනේ සෙසු ප්‍රදේශවල ප්‍රධාන වශයෙන් වියළි කාලගුණික තත්ත්වයක් පවතින බව වාර්තා වනවා.

මීට අමතරව බස්නාහිර, සබරගමුව, දකුණු, උතුරු, උතුරු-මැද, මධ්‍යම සහ වයඹ පළාත්වලට මෙන්ම මොණරාගල සහ ත්‍රිකුණාමලය දිස්ත්‍රික්කවලට විටින් විට පැයට කිලෝමීටර් 40ත් 50ත් අතර ප්‍රබල තද සුළං ඇති විය හැකියි.

පවතින සක්‍රීය මෝසම් කාලගුණික තත්ත්වය හමුවේ සිදුවිය හැකි අනතුරු අවම කරගැනීමට අවධානයෙන් පසුවන ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.