කුච්චවේලියෙන් වාර්තා වන ශෝකජනක පුවත... නෙදර්ලන්ත ජාතික සංචාරකයෙකු මුහුදේ ගිලී දිවි අහිමි වෙයි...
කුච්චවේලි පොලිස් වසමට අයත් නිලාවේලි මුහුදු තීරයේ දිය නෑමට ගිය විදේශීය සංචාරකයෙකු දියේ ගිලී මියගොස් ඇති බව කුච්චවේලි පොලිසිය ප්රකාශ කළා.
මෙලෙස අවාසනාවන්ත ලෙස මියගොස් ඇත්තේ 49 හැවිරිදි වියේ පසුවූ නෙදර්ලන්ත ජාතික සංචාරකයෙකු බව වාර්තා වුණා.
මරණකරු නිලාවේලි ප්රදේශයේ පිහිටි සංචාරක හෝටලයක නවාතැන්ගෙන සිටින අතරතුර, ඊයේ සවස් කාලයේ නිලාවේලි මුහුදු තීරයේ දිය නෑමට ගොස් තිබෙනවා.
එහිදී හදිසියේ ඇති වූ සැර දියවැලකට හසුව ඔහු දියේ ගිලී මියගොස් ඇති බව මේ වන විට සිදුකරන ලද මූලික විමර්ශනවලදී අනාවරණය වූ බව පොලිසිය පෙන්වා දුන්නා.
මෙම සිද්ධිය සම්බන්ධයෙන් කුච්චවේලි පොලිස් ස්ථානය මගින් වැඩිදුර විමර්ශන කටයුතු ක්රියාත්මක කර තිබෙනවා.