කලපළුවාවේදී සිදු වූ අවාසනාවන්ත සිදුවීම.. රිය අනතුරකින් සිව් හැවිරිදි දරුවකුගේ ජීවිතය අහිමි වෙයි..
වැලිකඩ, කලපළුවාව ප්රදේශයේ දී ඊයේ (25) අලුයම සිදු වූ රිය අනතුරකින් කුඩා පිරිමි දරුවෙකු ජීවිතක්ෂයට පත්ව තිබෙනවා.
එම අනතුරෙන් ජීවිතක්ෂයට පත්ව ඇත්තේ වයස අවුරුදු 04ක පිරිමි දරුවෙකු බවයි පොලිසිය සඳහන් කළා.
අඹගහ හන්දිය සහ රාජගිරිය අතර පාරේ කලපළුවාව ප්රදේශයේ දී මෙම අනතුර සිදුව ඇති බවද පොලිසිය ප්රකාශ කළා.
රාජගිරිය දෙසට ධාවනය කළ යතුරුපැදිය පාලනය කරගත නොහැකිව මාර්ගයේ පෙරළී තිබෙන අතර එහි ගමන් ගත් පිරිමි දරුවා විසි වී ගොස් ඉදිරියෙන් පැමිණි මෝටර් රථයක ගැටී ඇති බව වාර්තා වුණා.
එහිදී බරපතළ තුවාල ලැබූ දරුවා IDH රෝහලට ඇතුළත් කර ඇතත් එහිදී මියගොස් තිබෙන බව පොලීසිය දැනුම් දුන්නා.
සිදුවූ මෙම අනතුර සම්බන්ධයෙන් වැලිකඩ පොලීසිය වැඩිදුර විමර්ශන සිදු කරනවා.