ජූනි මාසයේදී බඩු මිල තවත් ඉහළට.. උද්ධමන අනුපාතය ගැන ඇසුණු අලුත්ම විස්තරය මෙන්න..
Wednesday, 22 July 2026 - 17:20 | Views - 100
ආහාර ද්‍රව්‍යවල මිල ගණන් ඉහළ යාම හේතුවෙන් පසුගිය ජූනි මාසයේදී ශ්‍රී ලංකාවේ ජාතික පාරිභෝගික මිල දර්ශකය (NCPI) පදනම් කරගත් ලක්ෂ්‍යමය උද්ධමනය 6.5% දක්වා ඉහළ ගොස් ඇති බව ජනලේඛන හා සංඛ්‍යාලේඛන දෙපාර්තමේන්තුව ප්‍රකාශ කළා.

පසුගිය මැයි මාසයේදී 5.4%ක් ලෙස පැවැති උද්ධමන අනුපාතය මෙලෙස ඉහළ ගොස් තිබෙනවා. එම දෙපාර්තමේන්තු දත්තවලට අනුව, මැයි මාසයේදී 1.5%ක් ලෙස සටහන් වූ ආහාර උද්ධමනය ජූනි මාසයේදී 3.3% දක්වා ඉහළ ගිය අතර, ආහාර නොවන උද්ධමනය ද 8.6% සිට 9.3% දක්වා ඉහළ ගිය බව වාර්තා වුණා.

මාසික පදනමින් සැලකීමේදී ජාතික පාරිභෝගික මිල දර්ශකය මැයි මාසයේ පැවැති 218.8 සිට ජූනි මාසයේදී 222.3 දක්වා 1.6%කින් ඉහළ ගොස් තිබෙනවා. මෙම මාසික වර්ධනය සඳහා ආහාර ද්‍රව්‍යවල මිල ඉහළ යාම 1.11%කින් ද, ආහාර නොවන ද්‍රව්‍යවල මිල ඉහළ යාම 0.49%කින් ද දායක වී තිබෙනවා.

මීට අමතරව, ආහාර, බලශක්ති සහ ප්‍රවාහන මිල ගණන් හැර ගණනය කරනු ලබන මූලික උද්ධමනය ජූනි මාසයේදී ලක්ෂ්‍යමය පදනමින් 5.0% දක්වා ඉහළ ගොස් ඇති අතර, එය මාසික පදනමින් 0.8%ක වර්ධනයක් බව ද අදාළ දෙපාර්තමේන්තුව දැනුම් දුන්නා.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
අමෙරිකානු පොප් ගායිකා ඇෂේ (Ashe) සිය පළමු විවාහයේදී මුහුණ දුන් අමිහිරි අත්දැකීමක්...
Hiru Tv Blog
කෘත්‍රිම බුද්ධිය එසේත් නැතිනම් AI (Artificial Intelligence) යන නාමය වෙනුවට එය "සුපිරි බුද්ධිය"...
Hiru Tv Blog
චීනය තුළ කෘත්‍රිම බුද්ධි (AI) තාක්ෂණය වේගයෙන් ව්‍යාප්ත වීමත් සමඟ එරට වෘත්තීය...
Hiru Tv Blog
කෘත්‍රිම බුද්ධි (AI) ඉතිහාසයේ මෙතෙක් වාර්තා නොවූ අන්දමේ දැවැන්ත සහ භයානක සිදුවීමක්...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top