ලෝක පාපන්දු කිරුළේ හිමිකරුවන් වෙනස් වෙයි. ආර්ජන්ටිනාව පරදා ස්පාඤ්ඤය මෙවර ලෝක පාපන්දු කිරුළ තමන් සතු කර ගනියි.|Hiru TV Blog

ලෝක පාපන්දු කිරුළේ හිමිකරුවන් වෙනස් වෙයි. ආර්ජන්ටිනාව පරදා ස්පාඤ්ඤය මෙවර ලෝක පාපන්දු කිරුළ තමන් සතු කර ගනියි.

Monday, 20 July 2026 - 8:47 | Views - 41

2026 පාපන්දු ලෝක කුසලාන තරගාවලියේ අවසන් තරගයෙන් ආර්ජන්ටිනාව පරදා ගෝල 1-0ක තියුණු ජයක් වාර්තා කරමින් ලෝක පාපන්දු කිරුළ තමන් සතු කර ගැනීමට ස්පාඤ්ඤය සමත් වුණා.

ඒ අනුව ස්පාඤ්ඤ කණ්ඩායම ලෝක පාපන්දු කිරුළක පහස විඳි දෙවැනි අවස්ථාව ලෙස මෙය සටහන් වුණා.

තරගයේ නියමිත කාලය අවසන් වන විට දෙපිලම කිසිදු ගෝලයක් ලබා ගැනීමට සමත් වූයේ නැහැ. ජයග්‍රාහකයින් තීරණය කිරීම සඳහා ලබා දුන් අතිරේක කාලයේදී (Extra Time) ස්පාඤ්ඤය මෙම ඓතිහාසික ජයග්‍රාහී ගෝලය වාර්තා කළා.

තරගය පුරා දෙපිලෙන්ම දැඩි තරගකාරීත්වයක් මතු වූ අතර වඩාත් තීරණාත්මක අවස්ථාව උදා වූයේ අතිරේක කාලයේ 106 වන මිනිත්තුවේදීයි. එහිදී ස්පාඤ්ඤ ඉදිරි පෙළ ක්‍රීඩක ෆෙරෑන් ටොරස් (Ferran Torres) විසින් ආර්ජන්ටිනා ආරක්ෂක වළල්ල බිඳ දමමින් එල්ල කළ විශිෂ්ට ප්‍රහාරය ගෝලයක් බවට පත්වෙමින් ස්පාඤ්ඤයේ ජයග්‍රහණය තහවුරු කළා.

තරගයේ දෙවන අර්ධයේ අතිරේක කාලයේදී (90+3 මිනිත්තුවේදී) ආර්ජන්ටිනා කණ්ඩායමේ එන්සෝ ෆර්නැන්ඩස් (Enzo Fernández) රතු කාඩ්පතක් ලබා පිටියෙන් ඉවත් වීම ආර්ජන්ටිනාවට දැඩි බලපෑමක් එල්ල කළා.

ක්‍රීඩකයින් 10 දෙනෙකුගෙන් යුතුව අතිරේක කාලය තුළ ක්‍රීඩා කිරීමට සිදුවීම ආර්ජන්ටිනාවේ පරාජයට ප්‍රධාන හේතුවක් බවට පත් වූ අතර, තරගය පුරා ආර්ජන්ටිනා ක්‍රීඩකයින් කහ කාඩ්පත් 5ක් ද ලබා ගත්තා.