මාතර වැල්ලමඩමදී ඩිෆෙන්ඩරයක් සහ ලොරියක් මුහුණට මුහුණ ගැටෙයි.. රියදුරු ජීවිතක්ෂයට.. තවත් 6 දෙනෙකු බරපතල තුවාල ලබා රෝහලට..
Sunday, 19 July 2026 - 20:31 | Views - 83
මාතර, වැල්ලමඩම ප්රදේශයේදී අද (19) සවස සිදු වූ රිය අනතුරකින් එක් පුද්ගලයෙකු ජීවිතක්ෂයට පත්ව, තවත් හය දෙනෙකු (06) බරපතල තුවාල ලබා රෝහල් ගත කර තිබෙනවා.
දෙවුන්දර සිට මාතර දෙසට ධාවනය වෙමින් තිබූ සිමෙන්ති පැටවූ ලොරි රථයක් සහ මාතර දෙස සිට දෙවුන්දර දෙසට ධාවනය වෙමින් තිබූ ඩිෆෙන්ඩර් රථයක් එකිනෙක මුහුණට මුහුණ ගැටීමෙන් මෙම අනතුර සිදුව ඇති අතර, අනතුර සිදුවන අවස්ථාවේදී ඩිෆෙන්ඩර් රථය තුළ පුද්ගලයින් 07 දෙනෙකු ගමන් කර ඇති බව පොලීසිය සඳහන් කළා.
අනතුරින් ජීවිතක්ෂයට පත්ව ඇත්තේ ඩිෆෙන්ඩර් රථය පදවාගෙන පැමිණි රියදුරු වන අතර, තුවාල ලැබූ අනෙක් පුද්ගලයින් හය දෙනා වහාම රෝහල් ගත කිරීමට පියවර ගෙන තිබෙනවා.
එමෙන්ම, ඉන් දෙදෙනෙකුගේ තත්ත්වය බරපතල බව රෝහල් ආරංචි මාර්ග සඳහන් කළා.
Share This Article