අධික උණුසුමට තිත තබන නවීන තාක්ෂණය.. පරිසර හිතකාමී අනාගතයක් වෙනුවෙන් එන අලුත්ම විසඳුම මෙන්න.|Hiru TV Blog

අධික උණුසුමට තිත තබන නවීන තාක්ෂණය.. පරිසර හිතකාමී අනාගතයක් වෙනුවෙන් එන අලුත්ම විසඳුම මෙන්න.

Wednesday, 13 May 2026 - 10:41 | Views - 191

ලෝකය පුරා පවතින දැඩි උණුසුම හා ජල හිඟයට සාර්ථක විසඳුමක් ලබා දීමට ඕස්ට්‍රේලියාවේ සිඩ්නි විශ්වවිද්‍යාලයේ පර්යේෂකයන් කණ්ඩායමක් සමත්වෙලා තිබෙනවා.

ඒ ගොඩනැගිලි සිසිල් කරන අතරම වාතයෙන් ජලය රැස් කිරීමේ හැකියාවද පවතින නවීන නැනෝ තාක්ෂණික තීන්ත ආලේපනයක් හඳුන්වා දී තිබෙනවා.

Dewpoint Innovations ආයතනය මගින් හඳුන්වා දුන් මේ ආලේපනය ‘නිෂ්ක්‍රීය විකිරණ සිසිලනය’ (passive radiative cooling) නම් ක්‍රියාවලිය හරහා ක්‍රියාත්මකවෙනවා.

මෙහි ඇති විශේෂත්වය වන්නේ හිරු එළිය 96%ක් දක්වා පරාවර්තනය කර තාපය නැවත අවකාශයට මුදා හැරීමට හැකියාව තිබෙනවා.

සාමාන්‍ය වහලකට වඩා සෙල්සියස් අංශක 30කින් උණුසුම අඩු කරන අතර, නිවාස සිසිල් කිරීමට වැයවන විදුලි පරිභෝජනය 34%කින් පමණ අඩු කර ගැනීමටද මෙයින් අවස්ථාව ලැබෙනවා.

මේ ආලේපනය ගොඩනැගිලි සිසිල් කරන අතරතුර, එම සිසිල් මතුපිට මත වාතයේ ඇති තෙතමනය ඝනීභවනය වීම නිසා ජල බිංදු ඇති වනවා.

වර්ග මීටර් 200ක වහලකින් දිනකට ජලය ලීටර් 74ක් පමණ රැස් කළ හැකි අතර විශේෂයෙන් ශ්‍රී ලංකාව වැනි නිවර්තන කලාපීය රටවලට මෙය වඩාත් ඵලදායී වනබව පර්යේෂකයන් පෙන්වාදෙනවා.

මෙලෙස ලැබෙන ජලය වගා කටයුතුවලට මෙන්ම පෙරා පිරිසිදු කිරීමෙන් පසු පානීය ජලය ලෙසද භාවිතා කිරීමට පුළුවන්.

මේ විශේෂ තීන්ත වර්ගයේ මිල සාමාන්‍ය තීන්තවලට වඩා 50% සිට 100% දක්වා වැඩි වියහැකි බව සඳහන් වනවා.

එහෙත් ඉදිරියේදී නගර නිර්මාණය කිරීමේදී හා ගොඩනැගිලි සැලසුම් කිරීමේදී මේ තාක්ෂණය අත්‍යවශ්‍ය අංගයක් වන බව Dewpoint Innovations සමාගම බලාපොරොත්තු වෙනවා.

The researchers tested four painted panels — black, white, reflective and Dewpoint's paint — over three months, tracking temperature, atmospheric conditions, and other variables on a University of Syndey rooftop.