Voldemort වෙන්න Ralph Fiennes තවමත් ලෑස්තියි! හැබැයි අලුත් හැරී පොටර් කතා මාලාවෙන් ඔහුට ඉඩක් ලැබෙයිද?|Hiru TV Blog

Voldemort වෙන්න Ralph Fiennes තවමත් ලෑස්තියි! හැබැයි අලුත් හැරී පොටර් කතා මාලාවෙන් ඔහුට ඉඩක් ලැබෙයිද?

Saturday, 11 April 2026 - 13:25 | Views - 314

ඔන්න හැරී පොටර් රසිකයන්ට නම් මේ දවස්වල අහන්න ලැබෙන්නේ හරිම අපූරු පුවතක්. හැමෝම දන්නා හඳුනන, හැරී පොටර් චිත්‍රපට මාලාවේ වෝල්ඩමෝර්ට්ගේ බියකරු චරිතයට පණ දුන්නු සුපිරි නළු Ralph Fiennes ගැනයි මේ කතාව.

Ralph මෑතකදී පැවති සාකච්ඡාවකදී කියලා තියෙන්නේ නැවත වතාවක් ඒ නපුරු මන්ත්‍රකාරයාගේ චරිතය කරන්න තමන් තුළ ලොකු කැමැත්තක් තිබෙනවා කියලා.

හැබැයි ඔහු ඒ එක්කම පොඩි කනගාටුවකුත් පළකරලා තිබුණා. ඔහු පවසන්නේ, HBO ආයතනය අලුතින්ම නිර්මාණය කරන හැරී පොටර් ටෙලිකතා මාලාව සඳහා තමන්ට තවමත් නිල ආරාධනයක් ලැබීනැති නිසාවෙන්.

දැනට ලැබෙන තොරතුරු අනුව මේ අලුත් ටෙලි කතා මාලාව සඳහා අලුත් නළු නිළියන් රැසක් තෝරාගෙන අවසානයි. හැබැයි වෝල්ඩමෝර්ට්ගේ චරිතය සඳහා තවමත් කිසිම නළුවෙක් නිල වශයෙන් නම් කරලා නැහැ.

ඒ නිසාම ප්‍රසිද්ධ නිළි Tilda Swinton සහ "Peaky Blinders" හරහා ජනප්‍රිය වුණු Cillian Murphy නම් මේ චරිතය සඳහා යෝජනා වී ඇති බවට රාවයක් පැතිර ගියත්, Cillian Murphy නම් කෙලින්ම කියලා තියෙන්නේ තමන් ඒ චරිතය භාරගන්නේ නැහැ කියලා.

කෙසේ වෙතත්, 2026 වසරේ නත්තල් සමයේදී විකාශය වීමට නියමිත මේ දැවැන්ත නිර්මාණය ගැන දැන් ලොව පුරා රසිකයන් ඉන්නේ ලොකු කුතුහලයකින්. Ralph Fiennes පවසන පරිදි ඔහුට ඒ අවස්ථාව මගහැරී ගියත්, අලුත් පරම්පරාව සමඟ මේ මැජික් ලෝකය නැවතත් එනකම් හැමෝම බලාගෙන ඉන්නවා.