තෙළිඟු සිනමාවේ අතිශය ජනප්රිය තරුවක් වන Adivi Seshu හා සුන්දර නිළි Mrunal Thakur ප්රධාන චරිත නිරූපණය කරන "Dacoit" චිත්රපටය ගැන අලුත්ම ආරංචියක් දැනගන්න ලැබුණා.
Romantic Action Thriller ගණයට අයත් මේ චිත්රපටය මුලින්ම උගාදි උත්සවයට සමගාමීව 2026 මාර්තු 19 වැනිදා තිරගත කිරීමට සැලසුම් කරලා තිබුණා. විවිධ හේතුන් මත කල්දමන්නට සිදුවුනත්, 2026 අප්රේල් 10 වැනිදා චිත්රපටය තිරගතවන බව නිල වශයෙන් දැනුම්දීලා තිබෙනවා.
මේ චිත්රපටයට මුලින්ම ප්රධාන නිළිය විදිහට Shruti Haasan ගිවිසුම් අත්සන් කර තිබුණත් හදිසියේම ඇය ඉවත්වුණු නිසා ඒ වෙනුවට Mrunal Thakur එක්වෙලා තිබෙනවා. Shruti ඉවත්වීමට හේතුවනම් තවම හෙලිකරලා නැහැ.
Shaneil Deo විසින් අධ්යක්ෂණය කරන මෙම චිත්රපටයට Anurag Kashyap, Prakash Raj හා Atul Kulkarni වැනි ප්රබල නළුවන් රැසක් සිය රංගනයෙන් දායකවෙනවා. ප්රකට Annapurna Studios යටතේ Supriya Yarlagadda මෙය නිෂ්පාදනය කරලා තිබෙනවා.
අප්රේල් 10 වැනිදා තිරගත වන "Dacoit", අදිවි ශේෂුගේ සිනමා දිවියේ තවත් සුවිශේෂී සන්ධිස්ථානයක් වනු ඇති බවට සිනමා විචාරකයින් අනාවැකි පළකරනවා.