දැන් මේවාත් රත්තරන් වගේ , ගණන් දන්නවා නම් කලන්තේ හැදෙයි..
මේ දවස්වල රත්තරන් වගේ වටින දෙයක් තමයි දෙහි කියන්නේ.
මොකද මේ දිනවල සම්බෝලයකටවත් දෙහි ගෙඩියක් හොයාගන්න බැරි තත්වයකට පත් වෙලා.
ඉතින්, දන්නවාද මේ දිනවල දෙහි කිලෝවක වෙලඳපල වටිනාකම කොහොමද කියලා.
දෙහි කිලෝවක තොග මිල රුපියල් 2,000 ක් දක්වා ඉහළ ගොස් තිබෙනවා.
කැප්පෙටිපොළ ආර්ථික මධ්යස්ථානයේ පෙරේදා දිනයේ දෙහි කිලෝවක තොග මිල ලෙස වාර්තා වූයේ රුපියල් 2,000 ක් ලෙසයි.
මේ අතර, දිවයිනේ සුපිරි වෙළෙඳ සල් රැසක දෙහි කිලෝවක් අලෙවි කෙරෙන්නේ රුපියල් 1,950 ත් 2,000 ත් අතර මිලකට බව සඳහන්.
මේ දිනවල දෙහි අස්වැන්න විශාල ලෙස අඩුවීම නිසා මෙසේ දෙහි මිල ඉහළ ගොස් ඇති බවයි එළවළු වෙළෙන්දෝ පවසන්නේ.
දෙහි මිල ඉහළ යත්ම දෙහි ගස්වල තිබෙන පැඟිරි අඩු, ගැට තත්ත්වයේ ගෙඩි පවා කඩා ඇතැමුන් අලෙවි කරන බවද වෙළෙන්දෝ පවසනවා.