''මේවා මම බලන්නේ කොහොමද ? පෙට්ටි පහක් ගෙනල්ලා මෙතන තියාගෙන වේදනා විඳින්න අමාරුයි..''
“මට පෙට්ටි පහක් ගෙනල්ලා මෙතන තියාගෙන වේදනා විඳින්න අමාරුයි. මිනී ගේන්නේ නෑ. සියලුම කටයුතු එහේ. පන්සලේ හාමුදුරුවෝ අවශ්ය කරන සියලු දේවල් කරනවා. හස්බන්ඩ්ගේ පැත්තේ අප්පච්චියි, මල්ලියි යනවා.”
මේ මියගිය දර්ශනී දිලන්තිකාගේ මව වූ ජයන්ති ඒකනායක බීබීසී සිංහල සේවයට පවසා තිබුණ අදහසයි..
කැනඩාවේ, ඔටාවාහි දී ඝාතනයට ලක් වූ ශ්රී ලාංකික එකම පවුලේ සාමාජිකයින් පස් දෙනා ඇතුළු හය දෙනාගේ අවසන් කටයුතු කැනඩාවේ දී සිදු කිරීමට නියමිත බවටයි වාර්තා වෙන්නේ..
එසේම එම සිදුවීමේ දී තුවාල ලබා ප්රතිකාර ලබමින් සිටින 34 හැවිරිදි ධනුෂ්ක වික්රමසිංහගේ පියා සහ සහෝදරයා අවසන් කටයුතු සිදු කෙරෙන අවස්ථාවට එරට බලා පිටත් වීමට නියමිතයි..
කොහොම වුණත් මේ වන තුරුම එම අවසන් කටයුතු සිදුවෙන ආකාරයක් පිළිබඳ දක්වා නැහැ...