ඊයේ රෑ ගොඩක් අය දැකපු අමුතුම '' සඳ මඩල ''|Hiru TV Blog

ඊයේ රෑ ගොඩක් අය දැකපු අමුතුම '' සඳ මඩල ''

Saturday, 23 December 2023 - 10:01 | Views - 727

මේ තියෙන්නේ ඊයේ රෑ ලංකාවේ ගොඩක් අය දැකපු 22° Halo එක. මේක ඇතිවෙන්නේ මෙහෙමයි...

22° Moon halo විදියට හඳුන්වන මේක ආලෝක වර්තනය නිසා ඇතිවන සිදුවීමක්.සිංහල භාෂාවෙන් මේක හඳුන්වන්නෙ සඳ මඩල එහෙමත් නැත්නම් චන්ද්‍ර මණ්ඩලය විදියට.

භය වෙන්න දෙයක් නෑ.මේක සොබාදහමේම සාමාන්‍ය සිදුවීමක්.

පොලොවේ ඉදලා කිලෝ මීටර 6- 10km පමණ ඉහළ වායුගෝලයේ නිර්මාණය වන cirrostratus වර්ගයේ වලාකුළු වල පවතින ශඪාස්‍රාකාර අයිස් පුළිගු නිසා මේවගේ සංසිද්ධියක් අපට දැකගන්න පුලුවන් වෙනවා.

මේවා මයික්‍රෝමීටර ප්‍රමාණයේ විශාලත්වයකින් වන පුළිඟු වන අතර ඒවගේ පුළිඟු රාශියක් මේ වලාකුළු තුළ අන්තර්ගත වනවා.

එතකොට සඳෙන් පරාවර්තනය වන ආලෝකය මෙම වලාකුළු තුළ තියෙන අයිස් පුළිඟු හරහා අපේ ඇසවෙතට එද්දි අංශක 22ක වර්තන කෝණයක් හැදිලා අයිස් පුළිඟු තුළින් වර්තනය වීම සිදුවනවා.

මේ නිසා සඳ වටා අපට අංශක 22ක කෝණයක් සහිත ආලෝක වළල්ලක් අපිට දැක ගන්න ලැබෙනවා.

රෑට සද වටේ විතරක් නෙවෙයි දවල්ට ඉර වටේත් මේවා ඇති වෙනවා.

අනිත් එක තමයි මේවා හුගක් වෙලාවට ඇති වෙන්නේ ඉහල අහසේ කුණාටු තත්ව හැදෙන වෙලාවට.

ඒ නිසා මේක අද ඔයා දැක්කා නම් හෙට අනිද්දා වෙද්දි අනිවාර්යයෙන්ම කුඩයක් අරන් එලියට යන්න.

මොකද මේවා දකින්න ලැබෙන හුගක් පැතිවලට පැය 24ක් යද්දි හොද වැස්සක් ලැබෙනවා.

උපුටා ගැනීමකි...