'මිජවුම්' සුළි කුණාටුව ගියත් , අදත් වැස්ස..
Tuesday, 05 December 2023 - 6:49 | Views - 1,354
බටහිර - මධ්යම බෙංගාල බොක්ක මුහුදු ප්රදේශයේ පැවති “මිජවුම්” (MICHAUNG) චණ්ඩ සුළි කුණාටුව, ඊයේ (04) උතුරු අක්ෂාංශ 14.5° සහ නැගෙනහිර දේශාංශ 80.3° ආසන්න ප්රදේශයේ, යාපනයේ සිට කි.මි. 520ක් පමණ උතුරු දෙසින් පැවතුණු බව කාලගුණ විද්යා දෙපාර්තමේන්තුව පවසනවා.
මෙය උතුරු දෙසට ගමන් කර අද (05) දකුණු අන්ද්රා ප්රදේශයේ වෙරළ තීරයෙන් ගොඩ බිමට ඇතුළුවනු ඇතැයි බලාපොරොත්තු වන බව සඳහන්.
බස්නාහිර, සබරගමුව, මධ්යම, දකුණ, වයඹ සහ උතුරු පළාත්වල වැසි වාර කිපයක් ඇති විය හැකි බව කාලගුණ විද්යා දෙපාර්තමේන්තුව නිකුත් කළ නිවේදනයේ සඳහන් වෙනවා.
සෙසු ප්රදේශවල ප.ව. 1.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි බවයි වාර්තා වන්නේ.
බස්නාහිර, සබරගමුව, මධ්යම, දකුණ සහ ඌව පළාත්වල උදෑසන කාලයේ දී මීදුම සහිත තත්ත්වයක් පැවතිය හැකි බව සඳහන්.
ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවට කාලගුණ විද්යා දෙපාර්තමේන්තුව කාරුණිකව ඉල්ලා සිටිනවා.
Share This Article