උඩින් ඇවිත් ගහලා.. ගම්පොල උණුසුම් වෙලා.. රාජකාරියට ගිය අයත් එක්කම දහයක් රෝහලට..
සේවයේ නියුතු හමුදා සෙබළකුගේ මරණයක් සම්බන්ධයෙන් පරීක්ෂණ කටයුතු වලට ගිය ගම්පොල ස්ථානීය පරීක්ෂණාගාරයේ නිලධාරීන්ට පල්ලේදෙල්තොට දී බඹර ප්රහාරයක් එල්ල වීමෙන් මාධ්යවේදියෙකු ඇතුළු පොලිස් නිලධාරීන් තිදෙනෙකු ගලහා රෝහලට ඇතුළත් කර තිබෙනවා.
මෙහිදී ගම් වාසීන් හය දෙනකුට ද මෙම බඹර ප්රහාරයට මුහුණ දීමට සිදුව තිබෙනවා.
මෙම පොලිස් කණ්ඩායම ගම්පොල සිට පල්ලේ දෙල්තොට දක්වා ජීප් රථයෙන් ගොස් එතැන් සිට පාගමනින් හමුදා සෙබළාගේ නිවස දක්වා යමින් සිටියදී ඇවිස්සී සිටි බඹර ගහනයකට මැදිව ඇති බවයි වාර්තා වන්නේ.
බඹරුන්ගේ ප්රහාරයට ලක්ව ඇති මෙම පිරිස විවිධ පැති වලට දිවගොස් ගම්මානයේ තිබෙන නිවෙස් තුලට ඇතුලු වෙමින් බේරී ඇති මුත් ඒ වනවිටත් පිරිස සෑහෙන බඹර ප්රහාරයකට ලක්ව තිබෙනවා.