අයවැයෙන් ගෙනාපු බදු ගැන බයෙන් නේද ඉන්නේ ? පැහැදිලිවම කතාව මෙන්න..
2024 අයවැය යෝජනාවලිය හරහා බදු සම්බන්ධයෙන් සාධනීය යෝජනා කිහිපයක්ම ඉදිරිපත් කර තිබෙන බව දේශීය ආදායම් මාණ්ඩලික නිලධාරීන්ගේ සංගමය පවසනවා.
එම සංගමයේ ලේකම් ජේ. ටී චන්දන සඳහන් කරන්නේ මෙම බදු ප්රතිපත්තිය පිළිබඳව ජනතාව අනියත බියක් ඇති කරගැනීමට අවශ්ය නොවන බවයි.
"2024 අයවැය යෝජනාව තුළ බදු සම්බන්ධයෙන් අපිට දැකිය හැකි හොඳ යෝජනා කිහිපයක් තිබෙනවා.ජංගම ගිණුමක් විවෘත කරද්දී, වාහන ආදායම් බලපත්රය අලුත් කිරීමේදී, ඉඩම් ලියාපදිංචියේදී, වාහන ලියාපදිංචියේදී බදු ලිපිගොනු අංකය අනිවාර්ය කිරීම ඉතා හොඳ යෝජනාවක්.තමන් අනාවරණය කළ ආදායමකින් නම් වාහනය ගන්නේ ඒකට අතිරේක බද්දක් නැවත එන්නේ නැහැ. තමන් අනාවරණය නොකළ ආදායමකින් නම් වාහනයක් මිලදී ගන්නේ එතනදී බද්දක් එන්න පුළුවන්.
බද්දට යටත් සීමාවේ ඉන්න කෙනෙක් බදු ගෙවන්නේ නැත්නම් හෝ නියමිත බද්ද ගෙවලා නැත්නම් තමයි ඔහු ඒවා පියවිය යුත්තේ. එහෙම නැතුව වාහනයක් ගත්ත පලියටම බදු ගෙවන්න වෙන්නේ නැහැ. බද්දට අවශ්ය කරන තොරතුරක් පමණයි ඒක."