ලෝක කුසලාන එක්දින ක්රිකට් තරගාවලියේදී ඉන්දියාව හමුවේ පසුගිය දා ලැබූ අන්ත පරාජයත් සමඟ වත්මන් ක්රිකට් තේරීම් කමිටුව සහ ක්රිකට් ආයතනයේ පරිපාලකයින් වහාම ඉල්ලා අස්විය යුතු බව ශ්රී ලංකා ක්රිකට්ලෝලීන් පවසනවා.
ඔවුන් කියා සිටියේ මෙම පරාජයත් සමග නව ක්රිකට් යුගයක් ආරම්භ කිරීමට දැන් කාලය එළඹ ඇති බවයි.
ඒ අනුව සමාජ මාධ්ය හරහා සුවහසක් ක්රීඩාලෝලීන් විසින් #GoHomeSLCboard නමින් හෑෂ්ටැග් ව්යාපාරයක් ආරම්භ කර ඇති අතර, මේ වන විට එය Trending වෙමින් පවතින බවයි වාර්තා වන්නේ.
ආසන්නතමව ලද මෙම අන්ත පරාජයත් සමඟ පරිපාලන නිලධාරීන්ට මෙම පරාජයන්හි සහ ක්රීඩාවේ කඩාවැටීමේ වගකීම් භාරගෙන එම තනතුරුවලින් ඉල්ලා අස්වෙන ලෙස ඉල්ලා ශ්රී ලංකා ක්රිකට් ආයතන ඉදිරිපිට අද (04) උදෑසන සත්යග්රහයක්ද ආරම්භ කරනු ලැබූ අතර, මේ වනවිටත් ක්රියාත්මක එම සත්යග්රහය හේතුවෙන් ආයතන පරිශ්රය ඉදිරිපිට දැඩි පොලිස් ආරක්ෂාවක්ද යොදවා තිබෙනවා.