අදත් වැසි මෙන්න නිවේදනය..
කාලගුණ විද්යා දෙපාර්තමේන්තුව නිවේදනයක් නිකුත් කරමින් අද(03) වැසි සහිත කාලගුණ තත්ත්වය තවදුරටත් වර්ධනය වීමක් බලාපොරොත්තු විය හැකියි .
දිවයිනේ බොහෝ ප්රදේශවල පස්වරු 1.00න් පසු වැසි හෝ ගිගුරුම් සහිත වැසි ඇති විය හැකි බව එම නිවේදනයේ සඳහන්.
සබරගමුව, මධ්යම, ඌව සහ උතුරු මැද පළාත්වලත්, පුත්තලම සහ මන්නාරම දිස්ත්රික්කවලත් ඇතැම් ස්ථානවලට මි.මී. 100ට ඉක්ම වූ තද වැසිද ඇති විමේ හැකියාව පවතිනවා.
සෙසු ප්රදේශවල ඇතැම් ස්ථානවලට මි.මී. 50ට ඉක්ම වූ තරමක තද වැසිද ඇති විය හැකියි.
නැගෙනහිර පළාතේ සහ යාපනය සහ මුලතිවු දිස්ත්රික්කවල උදෑසන කාලයේදී ද වැසි ඇතිවිමේ හැකියාව පවතිනවා.
සබරගමුව, මධ්යම සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බව ද සඳහන්.
ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවට කාලගුණ විද්යා දෙපාර්තමේන්තුව අවධානය කරනවා.