අකාලයේ මිලින වෙන ජීවිත ගැන නවතම හෙළිදරව්ව..|Hiru TV Blog

අකාලයේ මිලින වෙන ජීවිත ගැන නවතම හෙළිදරව්ව..

Thursday, 26 October 2023 - 9:20 | Views - 412

මහමඟ සිදුවන අනතුරුවලින් පාසල් ළමුන් 150කට ආසන්න සංඛ්‍යාවක් වාර්ෂිකව මියයන බව පොලිසිය පවසනවා.

රිය ධාවනයේදි ඇති නොසැලකිළිමකම මෙම අනතුරු රැසට හේතුව බවයි පොලිසිය වැඩිදුරටත් පවසන්නේ.

මහ මඟ දෛනිකව සිදුවන රථවාහන අනතුරුවලින් දිනකට මෙරට පුද්ගලයින් හය දෙනෙක් මියයන බව රථවාහන පොලිසියේ දත්තවල දැක්වෙනවා.

එම දත්තවලට අනුව සෑම පැය හතරකට වරක්ම පුද්ගලයෙකු මියයන අතර, තවත් තිදෙනෙක් බරපතළ තුවාල ලබන බවත්, තවත් සිව් දෙනෙක් ප්‍රතිකාර ලැබිය යුතු මට්ටමේ තුවාලවලට ගොදුරුවන බවත් සඳහන් .

නවතම සංඛ්‍යාලේඛනවලට අනුව 2020 වසරේදි රිය අනතුරුවලින් පුද්ගලයින් 2363ක් මියගොස් තිබෙනවා.

2021 වසරේදි පුද්ගලයින් 2513ක් සහ 2022 වසරේදි පුද්ගලයින් 2515ක් මියගොස් ඇත්තේ අනතුරුවලින් සිදුවන මරණවල වර්ධනයක් පෙන්නුම් කරමින්.

මේ වසරේ ගත වු ඔක්තෝම්බර් මස 15 වැනිදා දක්වා වු කාලය තුළ පමණක් රිය අනතුරුවලින් මියගිය සංඛ්‍යාව 1800ක් බව සඳහන් වෙනවා.

මෙහි අවාසනාවන්තම සිදුවීම වන්නේ, සිදුවන මරණවලින් අවම වශයෙන් සියයට 10ක් වත් අවුරුදු 18ට අඩු පාසල් ළමුන් කාණ්ඩය වීමයි.

පසුගිය වසරේ පමණක් අවුරුදු 18ට අඩු වයසේ පසුවන ළමුන්ගෙන් 129 දෙනෙක් රිය අනතුරුවලින් මියගොස් තිබෙනවා.

එමෙන්ම, මේ වසරේ ඔක්තෝම්බර් මස 15 වැනිදා දක්වා වු කාලය තුළ පමණක් අවුරුදු 18 අඩු ළමුන් 115 දෙනෙක් රිය අනතුරුවලින් මිය ගොස් ඇති බව රථවාහන පොලිසියේ දත්තවල දැක්වෙනවා.

Share This Article