නව සෞඛ්ය ඇමති අද වැඩ අරඹයි - දුකක් නෑ හිටපු ඇමති කියයි
Tuesday, 24 October 2023 - 8:08 | Views - 514
සෞඛ්ය අමාත්ය ධුරයෙන් ඉවත් කිරිම සම්බන්ධයෙන් තමන් සතුටට පත් වන බවත්, ලැබී ඇති අමාත්ය ධුරය සම්බන්ධයෙන් ගැටලුවක් නොමැති බවත් පරිසර අමාත්ය කෙහෙළිය රඹුක්වැල්ල පවසනවා.
සෞඛ්ය අමාත්ය ධුරයෙන් ඉවත් කිරීම සම්බන්ධයෙන් හිරු ප්රවෘත්ති කළ විමසීමකට පිළිතුරු දෙමිනුයි අමාත්යවරයා මේ බව සඳහන් කළේ.
සෞඛ්ය අමාත්ය ධුරය දැරූ කෙහෙළිය රඹුක්වැල්ල එම ධුරයෙන් ඉවත් කර නව සෞඛ්ය අමාත්යවරයා ලෙස වෛද්ය රමේෂ් පතිරණ පත් කිරීමටයි ජනාධිපතිවරයා පියවර ගනු ලැබුවේ.
එහිදී කෙහෙළිය රඹුක්වැල්ලට හිමි වුයේ පරිසර අමාත්ය ධුරයයි.
කෙසේ වෙතත්, නව අමාත්ය ධුරය ජාත්යන්තර විෂයක් බැවින් එහි හොදින් වැඩ කටයුතු කිරීමට අපේක්ෂා කරන බවයි පරිසර අමාත්ය කෙහෙළිය රඹුක්වැල්ල සඳහන් කළේ.
මේ අතර නව සෞඛ්ය අමාත්ය වෛද්ය රමේෂ් පතිරණ අද (24) දින එම ධුරයේ වැඩ භාර ගැනීමට නියමිතයි.
Share This Article