විදුලි බිල ඉහළට..|Hiru TV Blog

විදුලි බිල ඉහළට..

Friday, 20 October 2023 - 8:16 | Views - 769

අද(20) සිට විදුලි ගාස්තු ඉහළ නැංවීම සඳහා මහජන උපයෝගීතා කොමිසම විදුලිබල මණ්ඩලයට අවසර ලබාදී තිබෙනවා.

ඒ අනුව, බින්දුවේ සිට 30 දක්වා ඒකකයක් සඳහා රුපියල් 10ක් ව පැවති ගාස්තුව රුපියල් 12 දක්වා ඉහළ දමා ඇති අතර, 150ක්ව පැවති ස්ථාවර ගාස්තුව රුපියල් 180 ක් දක්වා ඉහළ නංවා තිබෙනවා.

එමෙන්ම 31 සිට 60 දක්වා ඒකකයක් සඳහා රුපියල් 25ක්ව පැවති ගාස්තුව රුපියල් 30ක් දක්වා ඉහළ දැමීමටයි අවසර ලබාදී ඇත්තේ.

එහි ස්ථාවර ගාස්තුවද රුපියල් 300 සිට 360 ක් දක්වා ඉහළ නංවනු ලැබුවා.

61 සිට 90 දක්වා ඒකකයක් සඳහා රුපියල් 35 ක්ව පැවති ගාස්තුව රුපියල් 41ක් දක්වා ඉහළ දමා ඇති අතර, ස්ථාවර ගාස්තුව රුපියල් 480ක් දක්වා ඉහළ දමා ඇත්තේ රුපියල් 400 සිටයි.

91 සිට 120 දක්වා ඒකකයක් සඳහා රුපියල් 50ක් ලෙස පැවති ගාස්තුව ඉහළ දමා ඇත්තේ රුපියල් 59ක් දක්වායි.

එහි ස්ථාවර ගාස්තුව රුපියල් දහසේ සිට 1180 ක් දක්වා ඉහළ යනවා.

එමෙන්ම 121 සිට 180 ක් දක්වා ඒකකයක් සඳහා රුපියල් 50 ක්ව පැවති ගාස්තුවද රුපියල් 59 ක් දක්වා ඉහළ යන අතර, එහි ස්ථාවර ගාස්තුව රුපියල් 1500 සිට 1,770 ක් දක්වා වැඩි වෙනවා.

ඒකක 181න් ඉහළ විදුලි පරිභෝජනය කරන්නන් සඳහා ඒකකයක් සඳහා පැවති රුපියල් 75ක ගාස්තුව රුපියල් 89ක් දක්වා වැඩිවන අතර, එහි ස්ථාවර ගාස්තුව රුපියල් 2,000 සිට ඉහළ දමා ඇත්තේ රුපියල් 2,360 ක් දක්වායි.

මෙලෙස ගාස්තු සංශෝධනයක් සිදුවන්නේ මෙම වසරේ තුන්වන වරට වීම විශේෂත්වයක්.

Share This Article