නිදි යහනේදී මිලින වුණු මල් කැකුළ
Tuesday, 12 September 2023 - 10:23 | Views - 555
නිවසේ නිදාගෙන සිටි සිව් හැවිරිදි දැරියක් ඊයේ (11) දහවල් හිටි හැටියේ මියගොස් ඇතැයි හොරණ මූලස්ථාන පොලිසිය පවසනවා. මෙලෙස මියගොස් ඇත්තේ හොරණ දික්හේනපුර 11 වන පටුමග පදිංචිව සිටි සසුකි අනන්යා සේසන්ති නමැති සිව් හැවිරිදි දැරියක් බවටයි වාර්තා වන්නේ. දැරිය සුපුරුදු පරිදි මව සමග ඊයේ (11) දහවල් කාමරේ නින්දට ගොස් ඇති අතර මව අවදි වී බැලීමේදී දැරිය නින්දේ සිට ඇතැයි පොලිසිය වැඩිදුරටත් සඳහන් කළා.මව දැරිය පිළිබඳව විමසිලිමත් වීමේ දී දැරියට මුත්රා පහ වී ඇති අයුරු දුටු මව දැරියගේ ඇඳුම් මාරු කිරීම සූදානම් වීමේදී දැරියගේ ශරීරය අප්රාණිකව ඇති බැවින් කලබල වී සිය සැමියාට ඒ බව දුරකථනයෙන් දන්වා දරුවා වඩාගෙන නිවස ඉදිරිපිටට පැමිණ මාර්ගයේ ගමන් ගත් යතුරු පැදියකින් දැරියව රැගෙන ගොස් හොරණ මූලික රෝහල වෙත ඇතුළත් කර තිබෙනවා.එහිදී දැරිය පරික්ෂා කර බැලූ වෛද්යවරුන් ඇය මියගොස් ඇති බවට දැනුම් දී තිබෙන බවයි වැඩිදුරටත් සඳහන් වන්නේ.

Share This Article