වේගයෙන් පහත වැටෙන ස්පාඤ්ඤ ජනගහනය වර්ධනය කිරීමට එරට රජය විසින් ඉතිහාසයේ පළමු වතාවට “ලිංගිකත්වය පිළිබඳ ඇමැතිනියක” පත්කර තිබෙනවා.

දරු උපත් ප්‍රමාණය අඩුවීමට හේතු සොයා, වැඩි වැඩියෙන් දරුවන් සෑදීමට රටේ ජනතාව පෙලඹවීමයි ඇයගේ වගකීම වන්නේ.

ලිංගිකත්වය පිළිබඳ ඇමැති ධුරය පිරිනැමුණේ Edelmira Barreira නමැති කාන්තා දේශපාලන ක්‍රියාකාරිනියටයි.

සංවර්ධිත රටවල් අතර ඇති අඩුම දරු උපත් ප්‍රමාණයක් ඇති රටක් ලෙස ස්පාඤ්ඤය හඳුනාගෙන තිබෙන අතර ස්පාඤ්ඤ කාන්තාවන් පළමු දරුවා බිහි කිරීම සිදුකරන්නේ සාමාන්‍යයෙන් වයස 32 දී පමණ බවත්, බොහෝ අලුත් ජෝඩු එක දරුවකුගෙන් සෑහීමට පත්වන බවත් සමාජ ගවේෂණයකින් සොයාගෙන තිබෙනවා.

ගවේෂණය සිදු කළ සමාජ විද්‍යාඥයන් පවසන්නේ සමාජයේ බහුතරයක් දෙනා විවිධ සමාජ ආර්ථික කරුණු නිසා මානසිකව විඩාපත් බවක් පෙන්වන අතර ලිංගික ජීවිතයක් කෙරෙහි සිත් යොමු කිරීමට තරම් සැහැල්ලුවක් නැතිව ජීවත්වන බවයි.

දීර්ඝ වැඩමුරයන්හි ගැහැනු පිරිමි භේදයක් නැතිව නියැළීමත්, රාත්‍රී ආහාර ගෙන කෙළින්ම නින්දට වැටීමත් නිසා සමස්තයක් ලෙස රටේ දරු උපත් ප්‍රමාණය අඩු වී ඇති බව ඔවුන් පෙන්වා දී තිබෙනවා.

Edelmira Barreira නම් ලිංගික කටයුතු පිළිබඳ ස්පාඤ්ඤ නව ඇමැතිවරිය රට තුළ විශාල ප්‍රබෝධයක් ඇති කරනු ඇති බවට බොහෝ දෙනා විශ්වාස කරනවා.