ලෝක පියවරුන්ගේ දිනයේ ඉතිහාසය...|Hiru TV Blog

ලෝක පියවරුන්ගේ දිනයේ ඉතිහාසය...

Sunday, 17 June 2018 - 16:37 | Views - 4,201

පියවරුන් ගේ දිනය ආරම්භවීමට පසුබිම සැකසි තිබෙන්නේ ඇමරිකා එක්සත් ජනපදයෙනි. ඇමරිකාවේ වොෂිංටන් නුවර විසු සොනරා ස්මාර්ට් ඩොච් නමැති කාන්තාවට පියවරුන් සඳහා ද විශේෂිත දිනයක් අවශ්‍ය බව කල්පනා වුයේ 1909 මැයි මාසයේදි මව්වරුන්ගේ දිනය වෙනුවෙන් පැවති විශේෂ දේව මෙහෙයකට සහභාගි වෙමින් සිටියදීය.

විලියම් ස්මාර්ට් නම් වු ඇගේ පියා දක්ෂ යුද හමුදා නිලධාරියෙකු විය. සොනාරා කුඩා කාලයේදිම මව මිය ගිය පසු සොනාරා ඇතුළු දරුවන් හය දෙනෙකු බලා ගනිමින් පියා කළේ විශාල කැපවීමක් බව ඇයට සිහි වුවාය. තම පියා කල එම විශාල කැපවීම ඉතා උතුම් කාර්යයක් බවත් ඒ සඳහා ඔහුට කළගුණ සැළකීම සහ ගරු බුහුමන් දැක්වීම තම යුතුකම බව වටහා ගත් සොනාරා තම පියා වැනි ලොව සිටින ආදරණීය පියවරුන් සඳහා විශේෂ දිනයක් අවශ්‍ය බැව් යෝජනා කළාය. පියාගෙ උපන් දිනය යෙදුණු ජුනි මාසය පියවරුන් ගේ දිනය සඳහා වෙන් කිරිමට ඈ කටයුතු කළය. ඒ අනුව පියවරුන්ගේ දිනය ප්‍රථම වරට 1919 ජුනි 19 වන ඉරු දිනයේ සමරන ලදි.

ඉන්පසු ඇමරිකාවේ නගර රැසක පියවරුන් ගේ දිනය සමරන ලදි. 1924 දි ඇමරිකාවේ ජනාධිපතිධූරය දැරු කැල්වින් කුලිජ් මහතා ද පියවරුන් ගේ දිනය සැමරීම සඳහා සහාය ලබා දුන්නේය. 1966 ඇමරිකාවේ ජනාධිපතිධූරය දැරු ලින්ඩන් බි. ජොන්සන් මහතා විසින් ජුනි මස තුන් වෙනි ඉරු දිනය ජාත්‍යන්තර පියවරුන් ගේ දිනය බවට ප්‍රකාශයට පත් කරන ලදි. ඉන්පසු ලොව පුරා රටවල් ජුනි මාසයේ තුන් වෙනි ඉරු දිනය ජාත්‍යන්තර පියවරුන් ගේ දිනය ලෙස සැමරිමටආරම්භ කෙරිණි.

(අන්තර්ජාලය ඇසුරෙණි)

Share This Article