චීනයෙන් ඓතිහාසික අභ්යවකාශ මෙහෙයුමක්.. විශේෂ පර්යේෂණයක විස්තර මෙන්න.
චීනය අභ්යවකාශ ක්ෂේත්රයේ නව වාර්තාවක් තැබීමට සූදානම් වන බව විදෙස් වාර්තා සඳහන් කරනවා.
ඒ අනුව, දීර්ඝ කාලීන අභ්යවකාශ සංචාරවලදී මිනිස් සිරුරේ සිදුවන කායික විද්යාත්මක වෙනස්කම් පිළිබඳව පුළුල් අධ්යයනයක් සිදු කිරීම සඳහා අභ්යවකාශගාමීන් තුන්දෙනෙකු ෂෙන්ෂෝ-23 යානයෙන් අද දිනයේදී චීන අභ්යවකාශ මධ්යස්ථානය වෙත පිටත් කර හැරීමට එරට බලධාරීන් කටයුතු කර තිබෙනවා.
චීන අභ්යවකාශ ඉතිහාසයේ විද්යාඥයින් පිරිසක් අඛණ්ඩව වසරක වැනි දීර්ඝ කාලයක් අභ්යවකාශයේ රැඳී සිටින පළමු අවස්ථාව මෙය වීමද විශේෂත්වයක්.
මෙමඟින් අනාගතයේදී සිදු කිරීමට නියමිත ඈත අභ්යවකාශ ගවේෂණ මෙහෙයුම් සඳහා වැදගත් දත්ත රැසක් අනාවරණය කර ගැනීමට හැකි වනු ඇතැයි විද්යාඥයින් අපේක්ෂා කරනවා.
මෙම ඓතිහාසික මෙහෙයුමට එක්වූ අභ්යවකාශගාමීන් තිදෙනා අභ්යවකාශ මධ්යස්ථානය වෙත ළඟාවීමෙන් පසු එහි සිටින අනෙකුත් සාමාජිකයින් සමඟ එක්ව සිය පර්යේෂණ කටයුතු ආරම්භ කිරීමට නියමිතයි.
චීනය අභ්යවකාශ ක්ෂේත්රය තුළ දැවැන්ත පිම්මක් තබමින්, ලෝකයේ සෙසු රටවල් අභිබවා යමින් මෙලෙස නව වාර්තා තබමින් සිටිනවා.