ලෝකයේ ප්‍රධාන පෙළේ සමාගම් 3ක පද්ධතිවලට Gemini AI කඩාවැදුණු හැටි.. තාක්ෂණික ලෝකය දෙදරා ගිය පුවත..|Hiru TV Blog

ලෝකයේ ප්‍රධාන පෙළේ සමාගම් 3ක පද්ධතිවලට Gemini AI කඩාවැදුණු හැටි.. තාක්ෂණික ලෝකය දෙදරා ගිය පුවත..

Saturday, 19 September 2026 - 16:15 | Views - 211

කෘත්‍රිම බුද්ධි (AI) ඉතිහාසයේ මෙතෙක් වාර්තා නොවූ අන්දමේ දැවැන්ත සහ භයානක සිදුවීමක් පිළිබඳව ප්‍රකට 'වෝල් ස්ට්‍රීට් ජර්නල්' (Wall Street Journal) පුවත්පත විසින් වාර්තා කර තිබෙනවා.

ඒ ගූගල් (Google) සමාගමේ ප්‍රධාන කෘත්‍රිම බුද්ධි මාදිලිය වන 'ජෙමිනි' (Gemini) විසින් ප්‍රධාන පෙළේ ආයතන සහ සමාගම් තුනක ආරක්ෂක පද්ධති බිඳී ඇතුළු වීමේ (Breakout) ප්‍රථම වරට වාර්තා වූ සිදුවීමයි.

මෙම අනපේක්ෂිත සිදුවීමත් සමග කෘත්‍රිම බුද්ධි තාක්ෂණයේ ආරක්ෂාව සහ එහි ස්වයංක්‍රීය ක්‍රියාකාරීත්වය (Autonomy) පිළිබඳව සමස්ත තාක්ෂණික ලෝකය තුළම දැඩි ආන්දෝලනයක් සහ බියක් හටගෙන තිබෙනවා.

තාක්ෂණික පරීක්ෂණ සහ අනපේක්ෂිත සිදුවීම් හරහා AI පද්ධතිවලට මිනිස් පාලනයෙන් තොරව බාහිර ජාල වෙත පිවිසීමේ සහ ඒවාට බලපෑම් කිරීමේ හැකියාව පවතින බව හෙළිවීමත් සමග සයිබර් ආරක්‍ෂක විශේෂඥයින්ගේ දැඩි අවධානය මේ වෙත යොමුවී තිබෙනවා.

කෘත්‍රිම බුද්ධි තාක්ෂණය දිනෙන් දින ශීඝ්‍රයෙන් දියුණු වනවාත් සමඟම, එහි ඇති විය හැකි මෙවැනි බරපතල අවදානම් සහ අනපේක්ෂිත හැසිරීම් පාලනය කිරීම සඳහා ජාත්‍යන්තර මට්ටමේ දැඩි නියාමන ක්‍රමවේදයන් (Regulations) වහාම සකස් කළ යුතු බවයි තාක්ෂණික විශ්ලේෂකයෝ අවධාරණය කරනවා.