AI තාක්ෂණයෙන් ඉදිරි දශකයේදී මිනිස් සංහතියටම තර්ජනයක්ද? තාක්ෂණික ලෝකය කැළඹූ අලුත්ම හෙළිදරව්ව..|Hiru TV Blog

AI තාක්ෂණයෙන් ඉදිරි දශකයේදී මිනිස් සංහතියටම තර්ජනයක්ද? තාක්ෂණික ලෝකය කැළඹූ අලුත්ම හෙළිදරව්ව..

Thursday, 10 September 2026 - 15:45 | Views - 28

ඉදිරි වසර 10 ක කාලය තුළ කෘත්‍රිම බුද්ධිය හෙවත් AI (Artificial Intelligence) තාක්ෂණය මගින් සමස්ත මිනිස් සංහතියේ පැවැත්ම සම්පූර්ණයෙන්ම විනාශ වී යාමේ සම්භාවිතාව 10% කට වඩා වැඩි අගයක් ගන්නා බවට AI සම්බන්ධයෙන් දීර්ඝ ලෙස පර්යේෂණ පවත්වන ප්‍රමුඛ අමෙරිකානු සමාගමක ප්‍රධානියෙකු විසින් අනතුරු අඟවා තිබෙනවා.

ප්‍රකට AI පර්යේෂකයෙකු වන ඊවන් හුබිංගර් (Evan Hubinger) සිය නිල X (ට්විටර්) ගිණුමේ විශේෂ සටහනක් තබමින් මේ බව ප්‍රකාශ කර ඇති බව විදේශීය මාධ්‍ය වාර්තා කරනවා.

දැනට ලෝකය පුරා භාවිත වන ඒ.අයි. මාදිලි මගින් මිනිසාගේ පැවැත්මට එල්ල වන සෘජු අවදානම සාපේක්ෂව අඩු මට්ටමක පැවතියද, දිනෙන් දින අතිශය සීඝ්‍රයෙන් වර්ධනය වන තාක්ෂණික ප්‍රවණතාවන් සහ මෙවලම් හමුවේ ඉදිරියේදී එම තත්ත්වය ඉතා උග්‍ර අතට හැරෙනු ඇති බව ඔහු වැඩිදුරටත් පෙන්වා දෙනවා.

කෘත්‍රිම බුද්ධිය මගින් මිනිසාගේ වැඩකටයුතු පහසු කරන අතරතුරම, එය මිනිස් පාලනයෙන් ගිලිහී යාමේ ප්‍රවණතාවක් මතුවුවහොත් එය සමස්ත පෘථිවියේම පැවැත්මට මහා විනාශයක් ගෙන දිය හැකි බවට විද්‍යාඥයන් සහ තාක්ෂණික පර්යේෂකයන් මේ වන විටත් දැඩි ලෙස සංවාදයේ යෙදෙමින් සිටිනවා.