බම්බලපිටිය දුම්රිය ස්ථානය ආසන්නයේදී සිදු වූ අවාසනාවන්ත අනතුර.. පිළියන්දල තරුණයෙකු ජීවිතක්ෂයට...
බම්බලපිටිය දුම්රිය ස්ථානය ආසන්නයේදී දුම්රියක ගැටීමෙන් පුද්ගලයෙකු ජීවිතක්ෂයට පත්ව තිබෙන බව බම්බලපිටිය පොලිසිය සඳහන් කළා.
ඊයේ (19) සවස් කාලයේදී අළුත්ගම සිට මරදාන බලා ධාවනය වූ දුම්රියක මෙම පුද්ගලයා ගැටී ඇති බවට ලද පණිවිඩයක් මත බම්බලපිටිය පොලිසිය විමර්ශන ආරම්භ කර තිබෙනවා.
මෙසේ අවාසනාවන්ත ලෙස ජීවිතක්ෂයට පත්ව ඇත්තේ පිළියන්දල ප්රදේශයේ පදිංචිව සිටි 34 හැවිරිදි පුද්ගලයෙක්.
මියගිය පුද්ගලයාගේ මෘත ශරීරය මේ වන විට කොළඹ ජාතික රෝහලේ මෘත ශරීරාගාරයේ තැන්පත් කර තිබෙන අතර, බම්බලපිටිය පොලිසිය සිද්ධිය සම්බන්ධයෙන් වැඩිදුර විමර්ශන සිදු කරනවා.