බදු පැහැර හැරපු මත්පැන් සමාගම්වලට වැඩ වරදියි... සල්ලි අය කරගන්න දිසා අධිකරණයේ නඩු පවරයි...
බදු ගෙවීම පැහැර හැර තිබෙන මත්පැන් නිෂ්පාදන සමාගම්වලින් අදාළ හිඟ බදු මුදල් අය කරගැනීම සඳහා දිසා අධිකරණය හමුවේ නඩු පැවරීමට පියවර ගෙන තිබෙනවා. නීතිපතිවරයා අද (20) ශ්රේඨාධිකරණයට මේ බව දැනුම් දුන්නා.
එලෙස බදු ගෙවීම පැහැර හැර ඇති මත්පැන් නිෂ්පාදන සමාගම්වලින් එම බදු මුදල් අයකර ගැනීමේ නියෝගයක් නිකුත් කරන ලෙස ඉල්ලා ගොනු කර තිබූ මූලික අයිතිවාසිකම් පෙත්සමක් කැඳවූ අවස්ථාවේදීයි නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල්වරයා මෙම දැනුම් දීම සිදු කළා.
මේ වන විටත් අදාළ සමාගම්වලින් හිඟ බදු අය කරගැනීමේ ක්රියාවලිය වේගවත් කර තිබෙන අතර, නීතිමය මාර්ගයෙන් එම මුදල් ලබාගැනීමට අවශ්ය සියලු කටයුතු සූදානම් කර ඇති බව ද එහිදී වැඩිදුරටත් සඳහන් කළා.