ලාංකීය රූපවාහිනී කලාවේ නව පෙරළියක් කරමින් සුමති ටෙලි සම්මාන උළෙලේ වසරේ හොඳම ප්‍රවෘත්ති විකාශය ඇතුළු සම්මාන රැසක් හිරු දිනා ගත් වගයි..|Hiru TV Blog

ලාංකීය රූපවාහිනී කලාවේ නව පෙරළියක් කරමින් සුමති ටෙලි සම්මාන උළෙලේ වසරේ හොඳම ප්‍රවෘත්ති විකාශය ඇතුළු සම්මාන රැසක් හිරු දිනා ගත් වගයි..

Thursday, 16 July 2026 - 8:16 | Views - 65

31 වැනි සුමති සම්මාන උළෙල අති උත්කර්ෂවත් ලෙස ජයවර්ධනපුර පිහිටි ප්‍රධාන පෙළේ හෝටල් පරිශ්‍රයකදී පැවැත්වුණා.

එහිදී හිරු සම්මාන රැසකට පාත්‍ර වෙමින් 2025 වසරේ හොඳම ප්‍රවෘත්ති විකාශයට හිමි සම්මානයෙන් පිදුම් ලැබීමට හිරු ප්‍රවෘත්ති සමත් වුණා.

එමෙන්ම වසරේ ජනප්‍රියම රූපවාහිනී වැඩසටහනට හිමි සම්මානයෙන් පිදුම් ලැබූවේ - HIRU STAR වැඩසටහනයි.

වසරේ ජනප්‍රියම ටෙලි නාට්‍යයට හිමි සම්මානය HIRU TV විකාශය කරන 'පාට කුරුල්ලෝ' ටෙලි නාට්‍යය හිමිකර ගත්තා.

වසරේ හොඳම රූපවාහිනී සංගීතමය වැඩසටහනට හිමි සම්මානය HIRU TV විකාශය කරන 'ජාන' වැඩසටහනට හිමිවුණා.

එමෙන්ම වසරේ හොඳම ග්‍රාෆික සජිවිකරණයට හිමි සම්මානය හිමිකර ගැනීමට HIRU TV සමත් වුණා.

වසරේ හොඳම ටෙලි නාට්‍යය කලා අධ්‍යක්ෂණයට හිමි සම්මානය HIRU TV විකාශය කළ 'බඹරෙක් ඇවිත්' ටෙලි නාට්‍යය වෙනුවෙන් සරත්චන්ද්‍ර ජයවීර හිමිකර ගත්තා.

වසරේ හොඳම ටෙලි නාට්‍යය අංග රචනයට හිමි සම්මානය HIRU TV විකාශය කළ 'බඹරෙක් ඇවිත්' ටෙලි නාට්‍යය වෙනුවෙන් බුවනෙක රණවක හිමිකර ගත්තා.

මේ අතර වසරේ නැගී එන නිළියට හිමි සම්මානය HIRU TV විකාශය කළ 'බඹරෙක් ඇවිත්' ටෙලි නාට්‍යය වෙනුවෙන් විනූ පෙරේරාට හිමිවුණා.

වසරේ හොඳම ළමා රංගනය සඳහා හිමි සම්මානය HIRU TV විකාශය කළ 'බඹරෙක් ඇවිත්' ටෙලි නාට්‍යයේ සූකිරිගේ චරිතය වෙනුවෙන් සහේළි තරුල්‍යා දිනා ගත්තා.