කළුතර දිස්ත්රික් ලේකම් කාර්යාලයේ හදිසි ගින්නක් හටගනී... අද උදෑසන සිදු වූ අනතුරේ ඇතුළාන්තය මෙන්න..
Monday, 13 July 2026 - 11:08 | Views - 126
කළුතර දිස්ත්රික් ලේකම් කාර්යාලයේ බිම් මහලේ පිහිටි ප්රධාන විදුලි පද්ධතියක අද (13) උදෑසන කාලයේදී හදිසි ගින්නක් හටගෙන තිබෙනවා.
අද පෙරවරු 8.30 ට පමණ මෙම අනපේක්ෂිත ගින්න ඇතිවී තිබෙන අතර, සිදුවූ අධික ගිනිගැනීම හේතුවෙන් එතැන තිබූ සමස්ත විදුලි පද්ධතියටම දැඩි ලෙස හානි සිදුව ඇති බව වාර්තා වුණා.
විදුලි කාන්දුවක් හේතුවෙන් මෙම ගින්න හටගෙන ඇති බව මූලික පරීක්ෂණවලදී අනාවරණය වුණා.
ගින්න පිළිබඳව තොරතුරු ලැබුණු වහාම ක්රියාත්මක වූ කළුතර මහ නගර සභාවේ ගිනි නිවන ඒකකයේ නිලධාරීන්, ගිනි නිවන රථ ද සමඟින් එම ස්ථානයට පැමිණ ඉතාමත් කඩිනමින් ගින්න සම්පූර්ණයෙන්ම මැඩපැවැත්වීමට කටයුතු කර තිබෙනවා.
කෙසේ වෙතත්, මෙම අවාසනාවන්ත සිද්ධියෙන් පසුව ආරක්ෂිත පියවරක් ලෙස සහ පද්ධතියට සිදුවූ හානිය හේතුවෙන් කළුතර දිස්ත්රික් ලේකම් කාර්යාලයේ සමස්ත විදුලි බලය මේ වන විට සම්පූර්ණයෙන්ම විසන්ධි වී ඇති බව ප්රදේශයේ උසස් නිලධාරියෙකු සඳහන් කළා.
Share This Article