පොසොන් පෝදා සිට දින හතරක් පුරා පැවැත්වෙන අපූරු ප්රදර්ශනය! සිරිපා වඳින්නයි, රාජා බලන්නයි එකම තැනකින් ලැබුණු අවස්ථාව.
මෙරට බෞද්ධ ජනතාවගේ සදාදරණීය මතකයන් අතර රැඳී සිටි නැදුන්ගමුවේ රාජා හස්තිරාජයාගේ සජීවී ආකෘතියේ අනුරුවක් සහ ශ්රී පාද පත්මයේ අනුරුවක් ප්රදර්ශනය කිරීමේ විශේෂ පින්කමක් බණ්ඩාරගම ප්රදේශයේදී මේ වන විට ආරම්භ කර තිබෙනවා.
බණ්ඩාරගම - කළුතර මාර්ගයේ පිහිටි ශ්රී පුණ්ය වර්ධනාරාම විහාරස්ථානයේදී මෙම ප්රදර්ශනය පැවැත්වෙනවා. විහාරස්ථානය වෙත පැමිණෙන සැදැහැවතුන් ඇතුළු ඕනෑම අයෙකුට නැදුන්ගමුවේ හස්තිරාජයාගේ අනුරුව ඉතාමත් සජීවී ආකාරයෙන් දැක බලා ගැනීමට මෙහිදී අවස්ථාව සලසා දී තිබීම විශේෂත්වයක්.
හස්තිරාජයාගේ අනුරුවට සමගාමීව සැදැහැවතුන්ගේ වන්දනාමානය සඳහා ශ්රී පාද අනුරුවක් ද මෙහිදී ප්රදර්ශනය කෙරෙන බවයි ශ්රී පුණ්ය වර්ධනාරාම විහාරාධිකාරි, රාජකීය පණ්ඩිත, පූජ්ය පන්නිල තිලක හිමියන් ප්රකාශ කර සිටියා.
පොසොන් පුර පසළොස්වක පොහෝ දිනය යෙදෙන අද (29) දින සිට ලබන (02) වැනිදා දක්වා දින 4ක් පුරා මෙම සුවිශේෂී ප්රදර්ශනය මහජනතාව වෙනුවෙන් විවෘතව පවතිනවා.