එකලස් කළ ‘යකඩ හීනය’ දුරකතන කණුවක ගැටෙයි.. 16 හැවිරිදි පාසල් සිසුවෙකු ජීවිතයෙන් වන්දි ගෙවද්දී, තවත් අයෙකුට බරපතළයි..|Hiru TV Blog

එකලස් කළ ‘යකඩ හීනය’ දුරකතන කණුවක ගැටෙයි.. 16 හැවිරිදි පාසල් සිසුවෙකු ජීවිතයෙන් වන්දි ගෙවද්දී, තවත් අයෙකුට බරපතළයි..

Saturday, 27 June 2026 - 17:01 | Views - 129

16 හැවිරිදි පාසල් සිසුන් දෙදෙනෙකු යතුරුපැදියකින් යමින් සිටියදී මකුළුදූව ප්‍රදේශයේදී අද (27) පෙරවරුවේදී දුරකතන කණුවක ගැටී තිබෙනවා.

එම අනතුරින් එක් සිසුවෙකු මිය ගොස් අනෙක් සිසුවා බරපතල තුවාල ලබා රෝහල් ගත කර ඇති බව පිළියන්දල පොලිසිය සඳහන් කරනවා.

අනතුරින් මියගොස් ඇත්තේ 11 වන ශ්‍රේණියේ ඉගනුම ලබන පිළියන්දල නිවන්තිඩිය ප්‍රදේශයේ පදිංචිව සිටි සිසුවෙක්.

සිදු වූ අනතුරින් යතුරුපැදියේ ඉදිරිපස රෝදය සහ යතුරුපැදියේ තවත් කොටස් කිහිපයක් කැඩි වෙන් වී ඇති බව පොලිසිය සඳහන් කරනවා.

මියගිය සිසුවා පැදවූ යතුරුපැදිය කොටස් එකලස් කරන ලද එකක් බවත්, එහි වේගය වැඩි කිරීම සඳහා වෙනත් යතුරුපැදියක එයාර් පිල්ටරයක් සවි කර තිබූ බවත්, පොලිසිය පවසනවා.

මියගිය සිසුවාට රියදුරු බලපත්‍රයක් නොමැති බවත්, බරපතල තුවාල ලද පසුපැදිකරු ආරක්ෂක හිස් වැසුම් පැළඳ නොසිටි බවත්, විමර්ශනවලදී අනාවරණය වී තිබෙනවා.

යතුරුපැදිය ත්‍රීරෝද රථයකට ඉස්සර කිරීමට යාමේදී වේගය පාලනය කර ගත නොහැකිව දුරකථන කණුවේ ගැටී මෙම අනතුර වී සිදු වී ඇති බවට අනාවරණය වී තිබෙනවා.

අනතුරින් බරපතල තුවාල ලබා සිටි පසුපැදිකරු කළුබෝවිල ශික්ෂණ රෝහල වෙත ඇතුළත් කර ඇති අතර, පැදිකරු පිළියන්දල දිසාරෝහල වෙත ඇතුළත් කරන විටත් මියගොස් සිටි බව රෝහල් ප්‍රකාශකයෙකු සඳහන් කර තිබෙනවා.

සිද්ධිය සම්බන්ධයෙන් පිළියන්දල පොලිසිය පරීක්ෂණ පවත්වනවා.