මෙරට විදුලිබල පද්ධතිය ස්ථාවර කරන්න තැබූ දැවැන්ත පියවරක්! බැටරි බලශක්ති ගබඩා පද්ධති ව්යාපෘතියේ තවත් පද්ධති හතක් කොළඹ වරායට..
මෙරට විදුලිබල පද්ධතිය ස්ථාවර කරමින් පාරිභෝගිකයාට සහන සැලසීම සඳහා රජය විසින් ආරම්භ කරන ලද බැටරි බලශක්ති ගබඩා පද්ධති ව්යාපෘතියේ තවත් පද්ධති හතක් කොළඹ වරායට රැගෙනවිත් තිබෙනවා.
මෙලෙස අලුතින් රැගෙන එන ලද බලශක්ති ගබඩා පද්ධති හත දිවයිනේ ප්රදේශ හතක පිහිටි විදුලිබල සම්ප්රේෂණ උපපොළවල් සමීපයේ සවිකිරීමට නියමිත බව වරාය සහ සිවිල් ගුවන්සේවා අමාත්යාංශය සඳහන් කළා.
ඒ අනුව, මෙම බලශක්ති ගබඩා පද්ධති හත පානදුර, බෙලිඅත්ත, හම්බන්තොට, අම්පාර, වව්නතිව්, වාලච්චෙනෙයි හා මහියංගනය යන ප්රදේශ තෝරාගෙන තිබෙනවා.
මෙම නව පද්ධති හත භාවිත කිරීම මඟින් මෙගාවොට් 280ක විදුලි බල ශක්ති ප්රමාණයක් ගබඩා කර තබා ගැනීමට හැකියාව ලැබෙන අතර මෙමඟින් දෛනිකව මෙගාවොට් 70ක ධාරිතාවක් ජාතික විදුලි බල ජාලයට එකතු කිරීමට ද සැලසුම් කර ඇති බව අමාත්යාංශය වැඩිදුරටත් ප්රකාශ කළා.