පෝය දවස්වල සෙනඟ අස්සේ හැප්පි හැප්පි යන්න ඕනි නෑ.. පොසොන් වන්දනාවේ යන බැතිමතුන්ට දුම්රිය දෙපාර්තමේන්තුවෙන් විශේෂ සේවාවක්..
මේ වසරේ පොසොන් උත්සවය නිමිත්තෙන් අනුරාධපුරය සහ මිහින්තලය වැඳපුදා ගැනීමට යන බැතිමතුන් උදෙසා ශ්රී ලංකා දුම්රිය දෙපාර්තමේන්තුව විසින් විශේෂ දුම්රිය සේවාවක් ක්රියාත්මක කිරීමට තීරණය කර තිබෙනවා.
හැමදාම පොසොන් කාලයට බස් සහ දුම්රියවල පවතින අධික සෙනඟ හේතුවෙන් බැතිමතුන්ට මුහුණ දීමට සිදුවන අපහසුතා මඟහැරවීම සඳහා මෙම පියවර ගෙන ඇති බව වාර්තා වුණා.
ජුනි 29 වැනිදාට යෙදී ඇති පොසොන් පුර පසළොස්වක පෝය නිමිත්තෙන් දැනට සාමාන්ය පරිදි ධාවනය වන දුම්රිය වාරවලට අමතරව මෙම විශේෂ දුම්රිය ධාවනය වීමට නියමිතයි. මෙම විශේෂ සේවාව පහත සඳහන් දිනවලදී ක්රියාත්මක වෙයි.
ඒ අනුව, 2026.06.27 වන දින සිට 2026.06.30 වන දින දක්වා මෙම දුම්රිය ධාවනය සැලසුම් කර තිබෙනවා.
මේ නිසා මෙවර පොසොන් වන්දනාවේ යෙදෙන ජනතාවට කිසිදු තෙරපීමකින් හෝ කරදරයකින් තොරව, වඩාත් පහසුවෙන් සහ නිදහසේ තමන්ගේ ගමන් බිමන් සැලසුම් කරගැනීමට අවස්ථාව හිමිවන බව දුම්රිය දෙපාර්තමේන්තුව වැඩිදුරටත් සඳහන් කළා.