දුවට නවක වදය දුන්න ජ්‍යෙෂ්ඨයින්ට තාත්තාගෙන් සහ අයියලාගෙන් සුපිරි රිටර්න් එකක්..ප්ලෑන් එකක් ගහලා ගෙන්වාගෙන කරපු දේ...|Hiru TV Blog

දුවට නවක වදය දුන්න ජ්‍යෙෂ්ඨයින්ට තාත්තාගෙන් සහ අයියලාගෙන් සුපිරි රිටර්න් එකක්..ප්ලෑන් එකක් ගහලා ගෙන්වාගෙන කරපු දේ...

Sunday, 14 June 2026 - 23:22 | Views - 71

ශ්‍රී ලංකාවේ විශ්වවිද්‍යාල පද්ධතිය තුළ තවමත් පවතින මහා පිළිලයක් වන නවක වදය නිසා අසරණ වූ තමන්ගේ දියණිය වෙනුවෙන් පියෙකු සහ සහෝදරයන් පිරිසක් නීතිය තමන්ගේ අතට ගත්තු අතිශය ආන්දෝලනාත්මක පුවතක් සෝෂල් මීඩියා පුරා ලොකු කලබැගෑනියක් නිර්මාණය කර තිබෙනවා.

මෙම සිදුවීම වාර්තා වෙන්නේ බෙලිහුල්ඔය පිහිටි සබරගමුව විශ්වවිද්‍යාලය ආශ්‍රිතවයි. එහි ඉගෙනුම ලබන පළමු වසරේ සිසුවියකට ජ්‍යෙෂ්ඨ සිසුන් පිරිසක් විසින් දරුණු ලෙස නවක වදය ලබා දී ඇති බවටයි චෝදනා එල්ල වුණේ.

තමන්ගේ ආදරණීය දියණියට විශ්වවිද්‍යාලය තුළදී විඳින්නට සිදුවූ දරුණු මානසික සහ ශාරීරික පීඩාව ගැන දැනගත්තු මේ සිසුවියගේ පියා සහ සහෝදරයන්, මේකට කෙළින්ම මැදිහත් වෙන්න තීරණය කර තිබෙනවා.

ඔවුන් ඉතා සූක්ෂම උපාය මාර්ගයක් භාවිතා කරමින්, නවක වදය දුන් බවට සැකකෙරෙන ජ්‍යෙෂ්ඨ සිසුන් පිරිසක් බණ්ඩාරවෙල ප්‍රදේශයට ගෙන්වා ගැනීමට කටයුතු කර තිබුණා.

තමන් අලුත් සිසුවියකට දුන් වද හිංසා ගැන සිතමින් බණ්ඩාරවෙලට පැමිණි මේ ජ්‍යෙෂ්ඨ සිසුන්ට සිසුවියගේ පවුලේ අයගෙන් එල්ල වුණේ කිසිසේත් බලාපොරොත්තු නොවූ දැඩි ප්‍රහාරයක්.

මේ ප්ලෑන් කරලා දුන්නු ගේම කෙතරම් දරුණු වුණාද කියනවා නම්, පහරදීමෙන් ජ්‍යෙෂ්ඨ සිසුන් 4 දෙනෙකුටම තුවාල ලබා රෝහල්ගත කරන්න සිද්ධ වුණා.

මේ පුවත මාධ්‍ය හරහා සහ ෆේස්බුක් ඔස්සේ ප්‍රචාරය වීමත් සමඟම මුළු රටේම අවධානය මේ දෙසට යොමු වුණා. නීතිය තමන්ගේ අතට ගැනීම නීතිවිරෝධී වුණත්, සමාජ මාධ්‍යවල හිටපු බහුතරයක් දෙනා මේ පියාගේ සහ සහෝදරයන්ගේ ක්‍රියාව 100%ක්ම අනුමත කරමින් ඔවුන්ට සහයෝගය පළ කර තිබීම විශේෂත්වයක්.

විශ්වවිද්‍යාල පාලනාධිකාරිය සහ රටේ නීතිය නවක වදය නතර කරන්න අපොහොසත් වෙනකොට, අසරණ වෙන අම්මලා තාත්තලාට තමන්ගේ දරුවන් වෙනුවෙන් මේ වගේ තීරණ ගන්න සිද්ධ වෙන බවට මේ සිදුවීම සමාජයට දුන් ලොකුම රතු නිවේදනයක්.

සමාජ මාධ්‍ය සටහනක් ඇසුරෙන්...