මහරගම විද්‍යාපීඨයම කඳුළින් තෙත් කළ හදිසි සමුගැනීමක්.. මියගිය සිසුවිය වෙනුවෙන් මිතුරියක් මුහුණුපොතේ තැබූ සංවේදී සටහන මෙන්න.|Hiru TV Blog

මහරගම විද්‍යාපීඨයම කඳුළින් තෙත් කළ හදිසි සමුගැනීමක්.. මියගිය සිසුවිය වෙනුවෙන් මිතුරියක් මුහුණුපොතේ තැබූ සංවේදී සටහන මෙන්න.

Tuesday, 09 June 2026 - 15:55 | Views - 96

ඇයගේ මේ නික්මයාම ඇත්තෙන්ම බොහෝ දෙනාගේ හදවත් සංවේගී කරන්නට සමත් පුවතක් වුණා.

මේ ඇසෙන්නේ අන්න ඒ ගැන විශේෂ කතාවක්. ඇය නමින් පුබුදිකා හංසානි. ඇය මහරගම ජාතික අධ්‍යාපන විද්‍යපීඨයේ සීමාවසි ගුරු පුහුණුව ලබමින් සිටි තරුණියක්.

ජීවිතය ගැන දහසක් බලාපොරොත්තු තබාගෙන ඇය ඒ ගුරු සිහිනය ජයගන්න පෙනෙන මානයට ආවත් දෛවය නොසිතූ ලෙස ඇයට හරස් වෙනවා.

හදිසියේ ඇතිවූ රෝගී තත්වයක් හේතුවෙන් අසනීපයට පත්වුණු ඇය නොසිතූ මොහොතක ජීවිතයෙන් මෙලෙස සමුගනීවි කියා කිසිවෙකුත් හිතන්නට නැතුව ඇති.

ඔවුන්ගේ සෝසුසුම් මැද අද පුබුදිකා සියල්ලන් හඬවා අවසන් නින්දට වැටී අවසානයි.

කොහොම වුණත් නික්ම ගිය හොඳම මිතුරිය වෙනුවෙන් මෙන්න මේ වගේ සංවේදී සටහනක් ඇයගේ මිතුරියක් විසින් මුහුණුපොතට එක්කරලා තිබුනේ මෙන්න මෙහෙමයි..

"ගුරු පුහුණුව නිමා වෙන්නට සිව්මසකි තව ඇත්තෙ.....
වසර ගණනක් වෙහෙස වූයේ සැබෑ කරන්නට මගෙ පුංචි සිහිනය
සැබෑ කරගන්නට හිමි කමක් නොමැති ව ගියත් ඔබෙන් සමුගෙන
සිහිනයක් ම පමණක් වූවා අද මා හට,ගුරු ලෝගුවෙ සිහිනය
මහරගම මගෙ මිතුරු කැල යම් දිනෙක පළඳාවි ඒ දුඹුරු ලෝගුව
එදවස දෙව්ලොව හි ඉදන් මා.....බලා ඉන්නම් අපේ හීනයෙ සතුටු සාදය....
සියල්ල දන් දී අපෙන් සමුගෙන ගිය හංසානි ඔයාගෙ දෙනෙත් හෙටත් මේ ලෝකය දෙස බලාවී ඔයාගෙ හදවත තවත් ශරීරයක පණ ගැහේවී ඒ පිනෙන් ඔබට නිවන තව දුර නොවේවා...."