ජුනි මාසයේ ලිට්‍රෝ ගෑස් මිලට මොකද වෙන්නේ? ලෝක වෙළෙඳපොළේ මිල ඉහළ ගියත් ලංකාවේ පාරිභෝගිකයින්ට ලැබුණු සහනය මෙන්න.|Hiru TV Blog

ජුනි මාසයේ ලිට්‍රෝ ගෑස් මිලට මොකද වෙන්නේ? ලෝක වෙළෙඳපොළේ මිල ඉහළ ගියත් ලංකාවේ පාරිභෝගිකයින්ට ලැබුණු සහනය මෙන්න.

Friday, 05 June 2026 - 16:15 | Views - 112

පවතින ආර්ථික වටපිටාවත් සමඟ මෙරට ජනතාව දැඩි අවධානයකින් බලා සිටි ප්‍රධානතම පාරිභෝගික භාණ්ඩයක ජුනි මාසයට අදාළ මිල තීරණය ලිට්‍රෝ සමාගම විසින් නිල වශයෙන් නිවේදනය කර තිබෙනවා.

ලෝක වෙළෙඳපොළේ පවතින මිල ගණන් සහ මෙරට මූල්‍ය වෙළෙඳපොළේ සිදුවූ වෙනස්වීම් හමුවේ වුව ද, පාරිභෝගික ජනතාවට අමතර බරක් නොතැබීමට සමාගම මෙවර සුවිශේෂී පියවරක් ගෙන තිබෙනවා.

ලෝක වෙළෙඳපොළේ එල්.පී. ගෑස් මිල සැලකිය යුතු ලෙස ඉහළ යාම සහ රුපියල අවප්‍රමාණය වීම වැනි අහිතකර සාධක රැසක් මේ වන විට නිර්මාණය වී තිබෙනවා.

කෙසේ වෙතත්, එම දැඩි බලපෑම් හමුවේ වුවද මෙම ජුනි මාසය සඳහා ගෑස් මිලෙහි කිසිදු ඉහළ දැමීමක් හෝ වෙනසක් නොකිරීමට ලිට්‍රෝ සමාගම ස්ථාවර තීරණයක් ගෙන තිබෙනවා.

මිල සංශෝධනය නොකර පාරිභෝගිකයා ආරක්ෂා කරගැනීමට හැකි වූයේ කෙසේද යන්න පිළිබඳව සමාගම පැහැදිලි කිරීමක් ද සිදුකළා.

ඒ අනුව, සමාගමේ පිරිවැය පාලනය සඳහා අභ්‍යන්තරව ක්‍රියාත්මක කළ දැඩි විනයගරුක ක්‍රියාමාර්ග, වෙළෙඳපොළ තුළ අඛණ්ඩව සිදුවූ විකුණුම් වර්ධනය හා අනෙකුත් නිෂ්පාදන අංශයන්ගෙන් සමාගම ලැබූ ඉහළ ලාභදායීත්වය මීට ප්‍රධාන වශයෙන්ම හේතු වූ බව ඔවුන් පෙන්වා දුන්නා.

ලිට්‍රෝ සමාගම විසින් පසුගිය මැයි මාසය සඳහා ද මිල ඉහළ දැමීමකින් තොරව මෙලෙසම මිල සංශෝධනය නොකිරීමට පියවර ගනු ලැබුවා.