ජුනි මාසයේ සහනයක් ලැබෙයිද? ලබන 05 වැනිදා සිට ලිට්‍රෝ ගෑස් අලුත්ම මිල සංශෝධනයක්..|Hiru TV Blog

ජුනි මාසයේ සහනයක් ලැබෙයිද? ලබන 05 වැනිදා සිට ලිට්‍රෝ ගෑස් අලුත්ම මිල සංශෝධනයක්..

Wednesday, 03 June 2026 - 10:21 | Views - 110

මෙරට ගෑස් පාරිභෝගික ජනතාව මහත් උනන්දුවකින් බලාපොරොත්තු වන ජුනි මාසය සඳහා වූ ලිට්‍රෝ ගෑස් මිල සංශෝධනය සිදු කරන දිනය පිළිබඳව තොරතුරු අනාවරණය වී තිබෙනවා.

ලිට්‍රෝ ගෑස් ලංකා සමාගමේ අභ්‍යන්තර ආරංචිමාර්ග පවසන පරිදි, ජුනි මාසයේ නව මිල ගණන් ලබන (05) වැනිදා නිල වශයෙන් ප්‍රකාශ කිරීමට සියල්ල සූදානම් කර තිබෙනවා.

ඒ අනුව එදින සිටම නව මිල ගණන් රට පුරා ක්‍රියාත්මක වන බව එම සමාගම සඳහන් කරනවා.

ලිට්‍රෝ සමාගම විසින් මෙවර සිදු කිරීමට නියමිත මාසික මිල සංශෝධනයට අදාළ නිල වාර්තා හා ගණනය කිරීම් දැනටමත් මුදල් අමාත්‍යාංශය වෙත නිල වශයෙන් ඉදිරිපත් කර ඇති බව ද වාර්තා වනවා.

වත්මන් ලෝක වෙළඳපොළේ පවතින මිල ගණන් හා ජාත්‍යන්තර ගෑස් මිල ප්‍රවණතා ඉතාමත් සූක්ෂ්ම ලෙස පදනම් කරගනිමින් මෙම නව මිල ගැලපීම සිදු කරන බව ලිට්‍රෝ සමාගම වැඩිදුරටත් කියා සිටිනවා.

ගෑස් මිල සූත්‍රයට අනුව සෑම මාසයකම මුල් සතියේ මිල සංශෝධනයක් සිදු වුවද, ඉකුත් මැයි මාසයට අදාළ මාසික මිල සමාලෝචනයේදී ලිට්‍රෝ ගෑස් මිලෙහි කිසිදු වෙනසක් සිදු කිරීමට සමාගම කටයුතු කළේ නැහැ.

මැයි මාසයේ මිල වෙනස් නොවීම හේතුවෙන් මෙවර ජුනි මාසයේදී මිල ඉහළ යයිද නැතහොත් ජනතාවට සහනයක් ලැබෙයිද යන්න පිළිබඳව බොහෝ දෙනා අවධානයෙන් පසුවනවා.

Share This Article