මහියංගන පුදබිම සාධු නාදයෙන් ගිගුම් දෙයි.. හිරු උත්තම ධාතු වන්දනාවට දිවයිනේ දස දෙසින්ම බැතිමත්හු එක්වෙති..|Hiru TV Blog

මහියංගන පුදබිම සාධු නාදයෙන් ගිගුම් දෙයි.. හිරු උත්තම ධාතු වන්දනාවට දිවයිනේ දස දෙසින්ම බැතිමත්හු එක්වෙති..

Sunday, 31 May 2026 - 14:23 | Views - 65

උතුම් සම්බුදු තෙමගුල වෙනුවෙන් හිරු ටී.වී, හිරු එෆ්.එම් එක්ව සංවිධානය කරන හිරු උත්තම ධාතු වන්දනාවේ ආරම්භක දිනය වන අද දිවයිනේ දස දෙසින් අති විශාල බැතිමතුන් පිරිසක් ඓතිහාසික මහියංගනය රාජමහා විහාරස්ථාන පුදබිනට ඒකරාශී වෙමින් සිටිනවා.

ඒ, කපිල වස්තුපුර නිසැක ශ්‍රී සර්වඥ ධාතුන් වහන්සේ වැඳ පුදාගෙන ආශිර්වාද ලබා ගැනීමේ අරමුණින්.

පැමිණෙන සැදහැවතුන් වෙනුවෙන් සියළු පහසුකම් හිරු මාධ්‍ය ජාලය විසින් සංවිධාන කර තිබෙනවා.

හිරු උත්තම ධාතු වන්දනා කපිල වස්තු පුර නිසැක ශ්‍රී සර්වඥ ධාතු ප්‍රදර්ශනය ඓතිහාසික මහියංගනය රාජමහා විහාරස්ථාන පිංබිමේදී අද පෙරවරුවේ ආරම්භ කෙරුණේ අති විශාල සැදැහැවතුන්ගේ සහභාගීත්වයෙන්.

ඔවුන්ගේ සාධු නද මධ්‍යයේ ආසියානු මාධ්‍ය ජාලයේ සභාපති රේනෝ සිල්වා මහතාගේ සුරතින් කපිල වස්තු පුර නිසැක ශ්‍රී සර්වඥ ධාතුන් වහන්සේ ඒ වෙනුවෙන් සකස් කළ විශේෂ ධාතු මන්දිරයේ තැන්පත් කෙරුණා.

මහියංගනය රාජමහා විහාරස්ථාන පුදබිමේදී ජීවමාන බුදුන් වහන්සේ හා සමාන කපිලවස්තුපුර නිසැක ශ්‍රී සර්වඥ ධාතුන් වහන්සේ වන්දනාවට සුවහසක් සැදැහැවතුන්ට හිරු උත්තම ධාතු වන්දනාවට අද සිට ලබන 2 වැනිදා දක්වා එක්වීමට අවස්ථාව හිමිවනවා.