කොල්ලුපිටියේ නීතිවිරෝධී සූදු පොළක් වටලයි.. චීන ජාතිකයින් 06ක් අත්අඩංගුවට..
කොල්ලුපිටිය පොලිස් වසමට අයත් ගාලු පාරේ පවත්වාගෙන ගිය ප්රසිද්ධ සමාජ ශාලාවක් වටලා, නිසි බලපත්ර නොමැතිව මුදලට සූදු ක්රීඩාවේ යෙදවීම හා ඊට අනුබල දීම සම්බන්ධයෙන් විදේශීය ජාතිකයින් හයදෙනෙකු අත්අඩංගුවට ගැනීමට කොල්ලුපිටිය පොලිසිය කටයුතු කර තිබෙනවා.
කොල්ලුපිටිය පොලිස් ස්ථානයේ නිලධාරීන්ට ලැබුණු රහසිගත තොරතුරකට අනුව ඊයේ (27) රාත්රී කාලයේදී මෙම විශේෂ වැටලීම සිදුකර තිබූ බව පොලිස් මූලස්ථානය සඳහන් කළා.
නිසි අවසරයකින් තොරව ඉතාමත් සූක්ෂම අයුරින් මෙම නීතිවිරෝධී සූදු පොළ පවත්වාගෙන ගොස් ඇති බව වැටලීමේදී අනාවරණය වී තිබෙනවා.මෙලෙස අත්අඩංගුවට ගත් සැකකරුවන් සියලුදෙනාම වයස අවුරුදු 27ත් 48ත් අතර වයස් සීමාවල පසුවන චීන ජාතිකයින් බවයි පොලිසිය පැවසුවා.
සැකකාර විදේශිකයන් පිරිස මේ වනවිට පොලිස් බාරයේ පසුවන අතර, ඔවුන් ඉදිරි කටයුතු සඳහා අධිකරණය වෙත ඉදිරිපත් කිරීමට නියමිතයි.
සිද්ධිය සම්බන්ධයෙන් කොල්ලුපිටිය පොලිස් ස්ථානයේ නිලධාරීන් වැඩිදුර විමර්ශන පවත්වමින් සිටිනවා.