කළු ගඟ ද්රෝණියේ ජල මට්ටම ඉහළට.. ඉදිරි පැය 24 තුළ සුළු ගංවතුර අවදානමක් ඇති ප්රදේශ මෙන්න.
ඉදිරි පැය 24 ක කාලය තුළ ඉංගිරිය, හොරණ, දොඩන්ගොඩ, මිල්ලනිය, කළුතර, බුලත්සිංහල, මදුරාවල හා පාලින්දනුවර යන ප්රදේශවල පහත් බිම්වලට සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව පවසනවා.
කළු ගඟ ද්රෝණියේ ඉහළ ධාරා ප්රදේශවලට පවතින තද වැසි හේතුවෙන් ගංගා ජල මට්ටම ඉහළ යමින් පවතින බව එම දෙපාර්තමේන්තුව පෙන්වා දී තිබෙනවා.
මේ හේතුවෙන් ඉහත සඳහන් කළ ප්රදේශවල වෙසෙන ජනතාව දැඩි අවධානයෙන් හා විමසිල්ලෙන් සිටින ලෙස වාරිමාර්ග දෙපාර්තමේන්තුවේ ජලවිද්යා අංශය දැනුම් දුන්නා.