ප්‍රදේශ රැසකට මිලිමීටර් 200 ඉක්මවන මහා වැසි ඇදහැලෙයි.. කාලගුණ දෙපාර්තමේන්තුවෙන් නිවේදනයක්..|Hiru TV Blog

ප්‍රදේශ රැසකට මිලිමීටර් 200 ඉක්මවන මහා වැසි ඇදහැලෙයි.. කාලගුණ දෙපාර්තමේන්තුවෙන් නිවේදනයක්..

Friday, 22 May 2026 - 9:27 | Views - 69

නිරිත දිග මෝසම දිවයින හරහා ක්‍රමයෙන් ස්ථාපිත වෙමින් පවතින බව කාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කරනවා.

දිවයිනේ නිරිත දිග ප්‍රදේශ වල දැනට පවතින වැසි සහිත තත්ත්වය ඉදිරි පැය කිහිපය තුලදී තවදුරටත් පවතිනු ඇතැයි අපේක්ෂා කෙරෙනවා.

ඒ අනුව, බස්නාහිර, සබරගමුව හා වයඹ පළාත්වලත් ගාල්ල, මාතර, මහනුවර හා නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකියි.

බස්නාහිර, සබරගමුව හා වයඹ පළාත්වල ඇතැම් ස්ථානවලට මි. මී 200ට වැඩි ඉතා තද වැසි ඇති විය හැකි අතර ගාල්ල, මාතර, මහනුවර හා නුවර එළිය දිස්ත්‍රික්කවල ඇතැම් ස්ථානවලට මි. මී 100ට වැඩි තද වැසි ඇති වියහැකි බව සඳහන් කළා.

උතුරු පළාතේ හා අනුරාධපුර දිස්ත්‍රික්කයේ වැසි වාර කිහිපයක් ඇති විය හැකියි.

ඌව පළාතේත් මඩකලපුව හා අම්පාර දිස්ත්‍රික්කවලත් ස්ථාන ස්වල්පයක පස්වරු 2.00න් පසුව වැසි හෝ ගිගුරුම් සහිත වැසි ඇති විය හැකි බවට එම නිවේදනයේ සඳහන් කර තිබෙනවා.

මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු - මැද, වයඹ හා දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. (35-45) පමණ තරමක තද සුළං ඇති විය හැකියි.

ගිගුරුම් සහිත වැසි සමග ඇති විය හැකි තාවකාලික තද සුළංවලින් හා අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තෙම්න්තුව ජනතාවගෙන් ඉල්ලා සිටිනවා.