ඩෙංගු මාරයා යළිත් හිස ඔසවයි.. ඩෙංගු ව්යාප්තිය ගැන ජාතික ඩෙංගු මර්දන ඒකකයෙන් විශේෂ නිවේදනයක්..
පවතින වැසි සහිත කාලගුණය හේතුවෙන් ඩෙංගු රෝගය තවදුරටත් ව්යාප්ත වීමේ දැඩි අවදානමක් පවතින බව ජාතික ඩෙංගු මර්දන ඒකකය පවසනවා.
පරිසරය පිරිසිදුව තබාගැනීම හා මදුරුවන් බෝවන ස්ථාන විනාශ කිරීම කෙරෙහි ජනතාව දැඩි අවධානයක් යොමුකළ යුතු බව සෞඛ්ය අංශ අවධාරණය කළා.
වසරේ මේ දක්වා කාලය තුළ ඩෙංගු රෝගය වැළඳීමෙන් පුද්ගලයින් 14 දෙනෙකු මියගොස් තිබෙනවා.
ඒ අතර කුඩා ළමුන් දෙදෙනෙකුද සිටීම කණගාටුවට කරුණක්. දිවයින පුරා විවිධ ප්රදේශවලින් මේ වනවිට හඳුනාගෙන ඇති මුළු රෝගීන් සංඛ්යාව 27,754ක් දක්වා ඉහළ ගොස් තිබෙනවා.
ප්රජා වෛද්ය විශේෂඥ ප්රශීලා සමරවීර සඳහන් කරන පරිදි, වාර්තා වන සමස්ත රෝගීන්ගෙන් 50%කට වඩා වැඩි පිරිසක් බස්නාහිර පළාතෙන් වාර්තාවෙනවා.
පවතින වැසි තත්ත්වය හමුවේ ඉදිරි සති කිහිපය තුළ රෝගීන්ගේ වැඩි වීමක් අපේක්ෂා කළ හැකිබව කොළඹ අද පෙරවරුවේ පැවති ප්රවෘත්ති සාකච්ඡාවකදී ඇය පෙන්වා දුන්නා.