කුරුණෑගල නියෝජ්ය නගරාධිපතිට අල්ලස් දැලක්.. බත්තරමුල්ලේදී සිදුකළ මෙහෙයුමේ ඇත්තම විස්තරය මෙන්න.
රුපියල් මිලියන 3ක අල්ලස් මුදලක් ලබාගැනීමේ චෝදනාව මත අත්අඩංගුවට ගත් කුරුණෑගල මහ නගර සභාවේ නියෝජ්ය නගරාධිපතිවරයා ලබන මැයි මස 21 වැනිදා දක්වා රක්ෂිත බන්ධනාගාරගත කිරීමට අධිකරණය නියෝග කරලා තිබෙනවා.
සැකකරු අද (09) අලුත්කඩේ මහේස්ත්රාත් අධිකරණයට ඉදිරිපත් කිරීමෙන් අනතුරුව මේ නියෝගය නිකුත් කළා.
කුරුණෑගල බස් නැවතුම්පොළ හා පොදු වැසිකිළි පිරිසිදු කිරීමේ ටෙන්ඩරය ලබාදීම සඳහා මොහු විසින් මේ අල්ලස් මුදල ඉල්ලා ඇතිබව වාර්තා කළා.
බත්තරමුල්ල ප්රදේශයේදී රුපියල් ලක්ෂ 30ක මුදල ලබාගැනීමට උත්සාහ කළ අවස්ථාවේදී අල්ලස් කොමිසමේ නිලධාරීන් විසින් ඊයේ (08) ඔහුව කොටු කරගෙන තිබෙනවා.
සමස්ත ලංකා මහජන කොංග්රසය නියෝජනය කරමින් කුරුණෑගල මහ නගර සභාවට තේරී පත්වූ මොහු, පසුව බලය පිහිටුවීමේදී ජාතික ජන බලවේගයට සහාය දක්වා ඇති බව අනාවරණය වෙලා තිබෙනවා.
කෙසේවෙතත්, නීතිය ක්රියාත්මක කරමින් ඔහුව අත්අඩංගුවට ගෙන අධිකරණයට ඉදිරිපත් කිරීමට බලධාරීන් පියවර ගෙන තිබෙනවා.