වෙසක් දන්සල් සංවිධායකයන්ගේ අවධානයට! ලියාපදිංචි වෙන්න ඕනේ කොහොමද? සම්පූර්ණ විස්තරය මෙන්න.|Hiru TV Blog

වෙසක් දන්සල් සංවිධායකයන්ගේ අවධානයට! ලියාපදිංචි වෙන්න ඕනේ කොහොමද? සම්පූර්ණ විස්තරය මෙන්න.

Saturday, 02 May 2026 - 12:57 | Views - 76

මෙවර වෙසක් පොහොය නිමිත්තෙන් දිවයින පුරා සංවිධානය කරන දන්සල් ලියාපදිංචි කිරීමේ කටයුතු එළඹෙන සඳුදා (04) සිට ආරම්භ කිරීමට තීරණයකර තිබෙනවා. මහජන සෞඛ්‍ය පරීක්ෂකවරුන්ගේ සංගමය විසින් මේ පිළිබඳව විශේෂ දැනුම්දීමක් සිදුකළා.

දිවයින පුරා පිහිටි සියලුම සෞඛ්‍ය වෛද්‍ය නිලධාරී (MOH) කාර්යාල මට්ටමින් දන්සල් ලියාපදිංචි කිරීමේ කටයුතු සිදුකිරීමට උපදෙස් ලබාදී සිටින බව මහජන සෞඛ්‍ය පරීක්ෂකවරුන්ගේ සංගමයේ ලේකම් චමිල් මුතුකුඩ සඳහන් කළා.

දන්සල් සංවිධායකයන්ට තමන්ගේ ප්‍රදේශයට අදාළ මහජන සෞඛ්‍ය පරීක්ෂකවරයා හමුවී මේ සම්බන්ධයෙන් වැඩිදුර තොරතුරු ලබාගැනීමට අවස්ථාව සලසාදී තිබෙනවා.

දන්සල් පැවැත්වීමේදී අනුගමනය කළ යුතු සෞඛ්‍යාරක්ෂිත ක්‍රමවේද හා විශේෂ මාර්ගෝපදේශ මාලාවක් සෞඛ්‍ය අමාත්‍යාංශය විසින් මේ වනවිටත් නිකුත් කරලා තිබෙනවා.

මහජනතාවට ලබාදෙන ආහාරවල ගුණාත්මකභාවය හා පිරිසිදුකම තහවුරු කිරීම මෙහි ප්‍රධාන අරමුණ බව මහජන සෞඛ්‍ය පරීක්ෂකවරුන්ගේ සංගමයේ ලේකම් චමිල් මුතුකුඩ වැඩිදුරටත් අවධාරණය කළා.

පසුගිය වසරවල මෙන්ම මෙවරත් දන්සල් පරීක්ෂා කිරීම සඳහා මහජන සෞඛ්‍ය පරීක්ෂකවරුන් දිවයින පුරා විශේෂ මෙහෙයුම් දියත් කිරීමට සූදානමින් සිටිනවා.