ජාත්යන්තර කම්කරු දිනය අදයි.. වැඩකරන ජනතාවගේ විජයග්රහණයේ සැමරුම..
අද (01) මුළු ලොවම සමරන්නේ ජාත්යන්තර කම්කරු දිනයයි.
ලොවපුරා වැඩ කරන ජනතාව මෙවර මැයි දින සැමරුමට එක් වන්නේ 140 වැනි වරටයි.
කම්කරු දිනයේ ඉතිහාසය ලියැවෙන්නේ 1886 වසරේ මැයි මස පළමුවැනිදා අමෙරිකාවේ චිකාගෝ නුවරින්.
එකල කම්කරුවන්ට දිනකට පැය 12 ත් 16 ත් අතර අතිශය දුෂ්කර සේවා මුරයන්ට යටත්වීමට සිදුවෙලා තිබෙනවා.
මීට එරෙහිව "පැය 8ක සේවා මුරයක්" ඉල්ලමින් කම්කරුවන් ලක්ෂ ගණනින් වීදි බැස තිබෙනවා.
එම අරගලයේදී සිදුවූ වෙඩිතැබීම් හා බෝම්බ පිපිරීම් හමුවේ කම්කරුවන් රැසක් සිය ජීවිත පූජා කළා.
එම ලේ වැකි අරගලයේ ප්රතිඵලයක් ලෙස 1889 වසරේදී පැරිසියේ පැවති ජාත්යන්තර කම්කරු සම්මේලනයකදී මැයි 01 දිනය "ජාත්යන්තර කම්කරු දිනය" ලෙස ප්රකාශයට පත්කරනු ලැබුවා.