එලිසබෙත් රැජිනට පසු චාල්ස් රජු ඇමරිකාවේදී කළ පෙරළිය.. ධවල මන්දිරයෙන් ඇසුණු අලුත්ම පුවත මෙන්න..|Hiru TV Blog

එලිසබෙත් රැජිනට පසු චාල්ස් රජු ඇමරිකාවේදී කළ පෙරළිය.. ධවල මන්දිරයෙන් ඇසුණු අලුත්ම පුවත මෙන්න..

Tuesday, 28 April 2026 - 16:45 | Views - 73

බ්‍රිතාන්‍යයේ චාල්ස් රජු හා කැමිලා රැජින සිව්දින නිල රාජ්‍ය සංචාරයක් සඳහා ඇමරිකා එක්සත් ජනපදයට පැමිණ තිබෙනවා.

මෙය 2007 වසරේදී දෙවන එලිසබෙත් රැජින සිදුකළ සංචාරයෙන් පසුව බ්‍රිතාන්‍ය රජෙකු ඇමරිකාවට පැමිණි පළමු අවස්ථාව ලෙසයි ඉතිහාසයට එක්වෙලා තිබෙනවා.

මෙරිලන්ඩ්හි ඇන්ඩෘස් හමුදා ගුවන් කඳවුරට පැමිණි රාජකීය යුවළව, ධවල මන්දිරයේදී ජනාධිපති ඩොනල්ඩ් ට්‍රම්ප් හා මෙලානියා ට්‍රම්ප් විසින් ඉතා උණුසුම් අයුරින් පිළිගෙන තිබෙනවා.

චාල්ස් රජු හෙට (අඟහරුවාදා) ඇමරිකානු කොංග්‍රස් මණ්ඩලය ඇමතීමට නියමිත බව රාජකීය ආරංචි මාර්ග සඳහන් කරනවා.

එහිදී ඔහු මෑතකදී එල්ලවූ ප්‍රහාරය පිළිබඳව සියබලවත් කනගාටුව පළකරලා තිබෙනවා.

ප්‍රජාතන්ත්‍රවාදී වටිනාකම් ආරක්ෂා කිරීම වෙන කවරදාටත් වඩා අත්‍යවශ්‍ය වී ඇති බවත්, ජාත්‍යන්තර අභියෝග හමුවේ සියලු දෙනා එක්ව සිටිය යුතු බවත් ඔහු සිය දේශනයේදී අවධාරණය කිරීමට නියමිතයි.

විදෙස් මාධ්‍ය වැඩිදුරටත් වාර්තා කරන්නේ, නේටෝ (NATO) සංවිධානයට සහායදීම හා යුක්රේනය ආරක්ෂා කිරීමේ වැදගත්කම පිළිබඳවද චාල්ස් රජු මෙහිදී කරුණු දක්වනු ඇතිබවයි.

ලෝක සාමය වෙනුවෙන් එම විශ්වාසයන් මත දැඩිව පෙනී සිටින ලෙස ඔහු ඇමරිකාව ඇතුළු මිත්‍ර රටවලින් ඉල්ලා සිටීමට සූදානම්වී තිබෙනවා.