හෙට කොළඹ යන අයට විශේෂ දැනුම්දීමක්.. මාර්ග රැසක් වැසෙයි.. පොලිසියෙන් හදිසි රථවාහන සැලැස්මක්..|Hiru TV Blog

හෙට කොළඹ යන අයට විශේෂ දැනුම්දීමක්.. මාර්ග රැසක් වැසෙයි.. පොලිසියෙන් හදිසි රථවාහන සැලැස්මක්..

Monday, 27 April 2026 - 16:40 | Views - 130

හෙට (28) දිනයේ කොළඹ නගරය ආශ්‍රිතව ගමන් කිරීමට බලාපොරොත්තුවන ජනතාවට විශේෂ දැනුම්දීමක් සිදුකරලා තිබෙනවා.

ලෝක සාම පාගමන කොළඹින් අවසන් වීමට නියමිතව තිබෙන නිසා ඒ වෙනුවෙන් විශේෂ රථවාහන සැලැස්මක් ක්‍රියාත්මක කිරීමට කොළඹ රථවාහන කොට්ඨාසය තීරණය කරලා තිබෙනවා.

මේ සැමරුම් උත්සවය හෙට සවස 04:00ට කොළඹ 07 නිදහස් චතුරස්‍ර පරිශ්‍රයේදී ජනාධිපතිවරයාගේ ප්‍රධානත්වයෙන් පැවැත්වීමට නියමිතවෙලා තිබෙනවා.

හෙට උදෑසන 11:00 සිට අවස්ථානුකූලව ඇතිවන තත්ත්වයන් මත බණ්ඩාරනායක වටරවුම සිට බේස්ලයින් මාර්ගය බොරැල්ල හන්දිය දක්වා, මරදාන පාර, වෝඩ් පෙදෙස, සොයිසා වටරවුම, ලිප්ටන් වටරවුම, ධර්මපාල මාවත, එෆ්.ආර්. සේනානායක මාවත, සී.ඩබ්.ඩබ්. කන්නංගර මාවත, හෝර්ටන් වටරවුම, නිදහස් මාවත, ප්‍රේමසිරි කේමදාස මාවත, කේම්බ්‍රිජ් පෙදෙස, මාර්කස් ප්‍රනාන්දු මාවත, පුස්තකාල හන්දිය, මල්පාර, පිත්තල හන්දිය, ජේම්ස් පීරිස් මාවත, මුත්තයියා පාර, ස්ටැපල් වීදිය හා ගංගාරාම විහාරස්ථානය අවට ප්‍රධාන මාර්ගවල වාහන ගමනාගමනය සීමාකිරීමට කටයුතු කරලා තිබෙනවා.

මෙම කාල සීමාව තුළ ඇති විය හැකි දැඩි රථවාහන තදබදය මගහරවා ගැනීම සඳහා හැකි සෑම විටම විකල්ප මාර්ග භාවිතා කරන ලෙසයි ශ්‍රී ලංකා පොලිසිය රියැදුරන්ගෙන් සහ මහජනතාවගෙන් ඉල්ලා සිටින්නේ.