අධිවේගී මාර්ග ඉතිහාසයේ සුවිශේෂී ආදායමක්! අවුරුදු නිවාඩුවට ගිය සෙනඟ නිසා මාර්ග සංවර්ධන අධිකාරිය ලැබූ ජයග්‍රහණය මෙන්න.|Hiru TV Blog

අධිවේගී මාර්ග ඉතිහාසයේ සුවිශේෂී ආදායමක්! අවුරුදු නිවාඩුවට ගිය සෙනඟ නිසා මාර්ග සංවර්ධන අධිකාරිය ලැබූ ජයග්‍රහණය මෙන්න.

Tuesday, 21 April 2026 - 16:10 | Views - 86

අලුත් අවුරුදු කාලසීමාව තුළ අධිවේගී මාර්ග භාවිතය සම්බන්ධයෙන් සුවිශේෂී වාර්තාවක් මාර්ග සංවර්ධන අධිකාරිය විසින් නිකුත් කරලා තිබෙනවා.

එම නිවේදනයට අනුව ගතවුණු දින 10ක කාලය ඇතුළත රුපියල් මිලියන 536කට අධික දැවැන්ත ආදායමක් උපයා ගැනීමට රජයට හැකියාව ලැබිලා තිබෙනවා.

මාර්ග සංවර්ධන අධිකාරිය පවසන පරිදි අප්‍රේල් මස 10 වැනිදා සිට අප්‍රේල් මස 20 වැනිදා දක්වා වූ කාලසීමාව තුළ අධිවේගී මාර්ග භාවිතා කළ රථවාහනවලින් රුපියල් 536,425,675ක ආදායමක් ලැබී තිබෙනවා.

අවුරුදු නිවාඩුව සඳහා කොළඹින් පිටතට ගිය හා නැවත කොළඹට පැමිණි ජනතාව වැඩිවශයෙන් අධිවේගී මාර්ග භාවිතා කිරීම මෙලෙස ආදායම ඉහළයාමට ප්‍රධානතම හේතුවවෙලා තිබෙනවා.

ආදායම මෙන්ම අධිවේගී මාර්ග භාවිතාකළ රථවාහන සංඛ්‍යාවද මෙවර ඉතා ඉහළ අගයක්ගෙන තිබෙනවා.

එම කාලසීමාව තුළදී අධිවේගී මාර්ග භාවිතා කරන ලද රථවාහන සංඛ්‍යාව දාහතර ලක්ෂ තිස් එක්දහස් තුන්සිය දහනමයක් (1,431,319) බව මාර්ග සංවර්ධන අධිකාරිය වැඩිදුරටත් සඳහන් කළා.

අධික රථවාහන සංඛ්‍යාවක් මාර්ගයට පිවිස තිබුණත්, ජනතාවගේ ගමන් පහසුව වෙනුවෙන් විශේෂ වැඩපිළිවෙළක් ක්‍රියාත්මක කරතිබූ බව වාර්තාවුණා.

විශේෂයෙන්ම තදබදය පවතින අවස්ථාවලදී අයකැමි කුටි සංඛ්‍යාව ඉහළ දැමීම ඇතුළු විකල්ප ක්‍රියාමාර්ග රැසක් මාර්ග සංවර්ධන අධිකාරිය විසින්ගෙන තිබෙනවා.